Работна посета на германската покраина Северна Рајна – Вестфалија
Денес и утре престојувам во работна посета на германската покраина Северна Рајна – Вестфалија. Во рамки на првиот ден од посетата, во градот Солинген остварив средба со бројната и активна македонска дијаспора.
Со нашите сограѓани кои живеат и работат во овој дел од Германија ги споделив информациите за подготовката на новата Национална стратегија за дијаспората, која е во завршна фаза, како и за посветеноста на Министерството за надворешни работи и надворешна трговија и на Владата за јакнење на улогата на дијаспората како значаен партнер во развојот на државата, културен промотор и мост на соработка со земјите каде што живеат нашите граѓани.
Тие се нашите најсилни партнери и вистински амбасадори на македонскиот јазик, култура и вредности. Уверен сум дека преку координирани активности и засилена институционална поддршка ќе ја поттикнеме нивната поголема вклученост, особено во насока на националната дипломатска и културна промоција.
Фејсбук статус на министерот за надворешни работи и трговија, Тимчо Муцунски.
