Премиерот Христијан Мицкоски по повод отчетот од една година од владеењето вечерашниот говор, се наврати и на како што го нарече неговиот „најтежок ден како претседател на Владата, а тоа е несреќата во Кочани“.
Тој кажа дека колку и да се трудат неговите политички опоненти да ја злоупотребат трагедијата во дискотеката „Пулс“, таа е последица на со години руинираниот систем кој бил уништуван и дезавуиран.
„Јас не можев тоа да го спречам. Но, ќе направам се тоа да не се повтори. И како политички фактор, од првиот ден испративме реална порака дека правда мора да има и без оглед за кого се работи, мора да има одговорност. И денес стојам на истиот став, а обвинителството е на тест да докаже вистина, судот да спроведе правда. Но, исто така сакам да соопштам дека работиме како Влада да обезбедиме историски највисок инвестициски пакет за обнова и поддршка на Кочани. Работиме на тоа да покажеме дека Кочани за нас е важно и дека граѓаните не се сами“, изјави премиерот Мицкоски.
