Премиерот Христијан Мицкоски, заедно со министрите за финансии Гордана Димитриеска Кочоска, образование и наука Весна Јаневска и Министерство за економија и труд Бесар Дурмиши денеска се сретнаа со раководството на Самостојниот синдикат за образование, наука и култура – СОНК, известуваат од Владата.
„На средбата се разговараше за унапредување на работничките права, состојбата во образованието, науката и културата, колективните договори како и состојбата со платите и нашата тенденција тие да растат согласно реалните можности на економијата“, наведено е во владиното соопштение.
„Стандардот на вработените ќе го подобруваме преку заеднички дијалог и мерки кои ќе дадат резултати. Разговараме за сет одлуки и системски мерки кои ќе бидат одржливи на долг рок. Следуваат добри одлуки“, рекол Мицкоски, според Владата.
„Дијалогот продолжува!“, се додава во соопштението.
