Friday, June 20, 2025
33.8 C
Skopje

МИЦКОСКИ ЗА ПРОБЛЕМОТ СО ГРАДЕЖНАТА ПРАШИНА: ТРЕБА ДА СЕ ЗГОЛЕМИ ДИСЦИПЛИНАТА НА ОНИЕ КОИ ШТО ЈА СОЗДАВААТ, А ГРАЃАНИТЕ ГИ ОХРАБРУВАМ ДА ПРИЈАВУВААТ

Премиерот Христијан Мицкоски на денешната надзорна расправа во Собранието за аерозагадувањето, одговарајќи на прашање за тоа како Владата планира да се справи со инертната и градежната прашина истакна дека за решавање на овој проблем единствен начин е да се зголеми дисциплината на оние коишто ја создаваат, а од друга страна граѓаните да пријавуваат доколку забележат вакво девијантно однесување со цел Градежниот инспекторат да излезе на лице место и да го констатира истото.

„Тука единствен начин е да се зголеми дисциплината на тие коишто ја создаваат таа прашина. Тоа се најчесто компаниите коишто вршат градежни активности и мислам дека дисциплината не е на високо ниво.“, истакна Мицкоски.

Тој исто така ги охрабри граѓаните да пријауваат доколку забележат девијантно однесување од ваква природа со цел овој проблем да биде надминат.

„Јас ги охрабрувам и граѓаните ако има такви случаи на девијантно однесување да ги пријавуваат и Градежниот инспекторат да излегува на лице место и тоа да го констатира и се разбира, на таков начин да може да се спречи таквата појава. Но од друга страна со зазеленување на тие површини, така што ова се двата начини со коишто можеме ние да се бориме. Не постои трет начин, а ниту во праксата е познат трет начин. Така што се надевам дека многу скоро оваа дисциплина ќе биде подобрена.“, заклучи Мицкоски.

ОВАА НЕДЕЛА

МИТЕВА: НОВИ СОВРЕМЕНИ И ФУНКЦИОНАЛНИ ИНВЕСТИЦИИ ВО БОЛНИЦАТА ВО КОЧАНИ

„Почитувани граѓани, Почитувани медиуми, Благодарам за присуството. Денес сакам да информирам за...

МЗШВ ОБЈАВИ ЈВЕН ПОВИК ЗА ФИНАНССКА ПОДДРШКА ВО РИБАРСТВОТО И АКВАКУЛТУРАТА ЗА 2025 ГОДИНА

Министерството за земјоделство, шумарство и водостопанство ги информира сите...

ВИЦЕПРЕМИЕРОТ НИКОЛОСКИ НА ЛОКАЛНИТЕ ИЗБОРИ ОЧЕКУВА НАЈУБЕДЛИВА ПОБЕДА НА ВЛАДЕЈАЧКАТА ВМРО-ДПМНЕ

Вицепремиерот и министер за транспорт Александар Николоски очекува најубедлива...

Најчитани

ПОПУЛАРНИ КАТЕГОРИИ