Премиерот на Република Македонија, Христијан Мицкоски, упати честитка до сите граѓани по повод 1 Мај – Меѓународниот ден на трудот. „Денес им оддаваме почит на сите работници – на луѓето кои со својата упорност, одговорност и честитост го движат нашето општество напред.
Трудот е една од најголемите вредности врз кои се гради достоинството на секој човек, и токму затоа тој претставува темелот на секоја стабилна и напредна држава.
Како Влада, остануваме целосно посветени на подобрување на животниот стандард на граѓаните. Ќе продолжиме со политики кои значат зголемување на минималната и просечната плата, унапредување на пензискиот систем, отворање нови работни места, јакнење на работничките права и намалување на невработеноста.
Веруваме дека секој успех започнува од човекот и зависи од неговата сигурност, стабилност и мотивација. Затоа вложуваме во вистинските вредности – трудот, знаењето и достоинството на човекот. Да продолжиме заедно да ја градиме Македонија како праведна, солидарна и просперитетна држава за секој наш граѓанин. Честит Први мај – Меѓународен ден на трудот!“, стои во честитката на премиерот Мицкоски
