МИЛАНОВИЌ : РЕЗОЛУЦИЈАТА ЗА СРЕБРЕНИЦА НЕ ГИ ДОПИРА НИТУ СРБИТЕ, НИТУ СРБИЈА

0
138
Zagreb, 15. marta 2024. – Zoran Milanović biće nosilac SDP-ove liste u Prvoj izbornoj jedinici i kandidat za hrvatskog premijera, saopštio je danas lider te stranke Peđa Grbin. Grbin je na konferenciji za novinare,na kojoj se pojavio nenajavljeno Milanović, rekao da je dan prekrasan jer se kreće u promene.“U životu svakog od nas postoje trenuci kad treba izaći iz zone komfora. Taj čas je kucnuo na moja vrata momentom stanovitog (Ivana) Turudića”, rekao je Milanović. FOTO TANJUG/ FOTO HINA/ EDVARD ŠUŠAK/ nr

Хрватскиот претседател Зооран Милановиќ изјави дека во Резолуцијата за геноцидот во Сребреница на Обединетите нации не се ни споменуваат Србите, пренесува српска Нова.

– Се обидувам да им порачам на сите Срби во политиката дека Резолуцијата за Сребреница не ги допира ниту Србите, ниту Србија, така што нема ниту збор за Србите. Ако тоа им пречи или пак сметаат дека е газење, искоренување и трауматизирање на Србите, тогаш утре ќе им пречи и облачен ден – рече Милановиќ во Света Недеља, коментирајќи ја вчера усвоената резолуција на Обединетите нации за геноцидот во Сребреница.Тој додаде дека „во Сребреница се случи страшно злосторство, судот го нарече геноцид“.

– Ништо не може да го смени фактот дека една манијакална група убијци уби илјадници луѓе, главно мажи од сите возрасти, и тоа секогаш ќе остане така. Мислам дека е време да го затвориме ова и да почнеме нормално да живееме во Босна и Херцеговина, бидејќи оваа мисија за отцепување е невозможна – рече Милановиќ, пренесе неговата прес-служба во соопштението. Тој нагласи дека Република Српска не може да се отцепи од Босна и Херцеговина и дека „се прави голема врева без добра причина“.

Милановиќ ја критикуваше хрватската влада дека не се консултирала со него за резолуцијата за Сребреница, бидејќи тоа се бара според Уставот. Тој оцени дека начинот на кој Хрватска ја ко-спонзорирала резолуцијата за Сребреница е неуставен.

– Не ја оспорувам содржината и би ја поддржал, но тоа е направено зад мој грб, без консултации и дискусии – нагласи хрватскиот претседател. Тој повтори дека сите тие се одлуки кои според Уставот не смее да ги носи владата без претседателот.