Подготовки за хаос на опозицијата по скопските улици или обид на власта преку медиумите блиски до неа да ги демотивира и исплаши граѓаните кои планираат да бидат дел од големиот протестен собир закажан за недела, 17 мај.
Дел од порталите и од провладините медиуми веќе на големо и во зачестени интервали пишуваат и емитуваат прилози во кои повикувајќи се на „свои“ или извори од наводно незадоволни членови на опозициските партии, дека СДСМ се подготвува безмалку за урбана војна в недела.
Како дел од подготовките на опозицијата овие јавни гласила споменуваат:
- Мобилизираат криминалци и поранешни затвореници кои зад себе имаат дебело полициски досие;
- Се подготвува ладно оружје и камења за дел од демонстрантите кои во еден момент треба да се одделат од групата и да ја нападнат полицијата;
- Дел биле задолжени за кршење излози на продавници и за напаѓање државни институции и нивно насилно преземање;
- Можност дел од демонстрантите да добијат и огнено оружје кое би се користело доколку протестот нема интензитет;
- Индицираат дека СДСМ и Зоран Заев биле дел од сценариото на терористичката група во Куманово, па се очекува поддршка од милитантни албански групи;
- Набавени се од 1.000 до 2.000 маски за глава (фантомки);
- Насилства во Чаир, Ѓорче Петров, Гази Баба, како и во трговските центри во главниот град на државата;
- Се планира демонстрантите насилно да влезат во Владата;
- Закани до некои медиумите и демолирање на нивните простории;
- Ангажирање луѓе од странство со големо искуство за правење насилни протести;
- Украинско сценарио.
Извор: Мета
