Во рамките на континуираните превентивни активности вчера на Средно Водно од страна на СВР Скопје беше реализирана превентивна активност „Не оставајте вредни предмети во вашиот автомобил“, за заштита од имотни деликти, поконкретно за превенција на тешки кражби од моторни возила.
„ Активноста беше спроведена на подрачјето на ПС ОН Карпош, поточно на Средно Водно. Во директни средби и разговори со граѓаните им беше укажано кога ги паркираат нивните моторни возила да не оставаат вредни предмети како торби, лаптопи, ранци, паричници и сл., а секако и препораката да ги заклучуваат своите возила. На граѓаните им беа поделени и едукативни летоци“, се вели во стоопштението на МВР.
