Манчестер Јунајтед ја оствари деветтата победа по ред во сите натпреварувања и му возврати на градскиот ривал Манчестер Сити со триумф од 2:1 во дербито на „Олд Трафорд“. Со пресврт за четири минути во завршницата, со головите на Бруно Фернандеш и на Маркус Рашфорд „црвените ѓаволи“ дојдоа до победа.
Манчестер Сити поведе со голот на Џек Грилиш во 60.минута, на асистенција на Де Брајне.
Во 78.минута, Бруно Фернандеш израмни, а гостите приговараа барајќи офсајд позиција во која претходно се најде Маркус Рашфорд. Но, тој не играше со топката, ја препушти на Португалецот кој постигна погодок.
Маркус Рашфорд четири минути подоцна се погрижи за целосен пресврт.
