Португалскиот стратег Рубен Аморим официјално денес промовиран како нов менаџер на Манчестер Јунајтед.
Она што се најавуваше неколку денови конечно доби и официјална потврда. Аморим ќе ги предводи „ѓаволите“ и ќе се обиде да го извлече тимот од тешката ситуација во која се наоѓа, односно ќе има задача да го врати Јунајтед во врвот на англискиот фудбал.
Португалецот потпиша договор со важност до 2027 година, со опција за продолжување на соработката за уште една сезона. Аморим со огромен успех го предводеше Спортинг од Лисабон, а за 39-годишниот тренер ова ќе биде најголем предизвик во досегашниот тек од кариерата.
На Спортинг му ја донесе првата шампионска титула по пауза од 19 години и важи за еден од најперспективните млади тренери во Европа. Аморим официјално ќе го преземе тимот на 11 ноември, а дотогаш задачата ќе ја извршува привремениот тренер, Руд Ван Нистелрој.
Во прилог е неговото прво интервју или како што е наведено од страна на неговиот нов клуб прв дел како нов менаџер на Манчестер Јунајтед, интервју направено под рефлекторите од театарот на соништата Олд Трафорд.
The wait is over
Watch Ruben Amorim’s first interview as United head coach now #MUFC
— Manchester United (@ManUtd) November 15, 2024
The full interview of Amorim.pic.twitter.com/mxhAD6k3vD
— UtdActive (@UtdActive) November 15, 2024
