Thursday, February 6, 2025
9.8 C
Skopje

ЛУКАРОСКА: ТЕШКА МАНИПУЛАЦИЈА Е ИЗЈАВАТА НА НАДЛЕЖНИТЕ ОД ПРИЛЕПСКАТА БОЛНИЦА ВО ВРСКА СО ДОВЧЕРАШНИТЕ 120 ВРАБОТЕНИ СО ДОГОВОР НА ДЕЛО КОИ ОСТАНАА БЕЗ РАБОТА БИДЕЈЌИ ДРЖАВАТА НЕ ДАЛА СОГЛАСНОСТ

Прес-конференција на Петра Лукароска, претседателка на ОО СДСМ – Прилеп

Почитувани,

Изјавата на надлежните од прилепската болница дека довчерашните 120 вработени со Договор на дело останале без работа бидејќи државата не дала согласност за нови вработувања, е лага и тешка манипулација со јавноста.

Имено, пред точно една година, на 13.02.2024 година, тогашниот министер за финансии Фатмир Бесими испратил Известување до Фондот за здравствено осигурување, дека во буџетот на Општата болница со проширена дејност – Прилеп, за тековната фискална 2024 година обезбедени се финансиски средства за вработување на 79 лица!

Конкретно, на барање на тогашното раководство на прилепската болница, Министерството за финансии во Владата на СДСМ дало согласност за вработување во болницата на 8 доктори, 35 медицински сестри, 25 болничари, 4 дипломирани физиотерапевти, тројца возачи, медицинска сестра со ВСС, дипломиран оптометрист, фармацевт и лаборант.

За време на изборната кампања на ланските парламентарни избори, лидерот на тогашната опозиција а сегашен премиер, Христијан Мицкоски, ветуваше нови вработувања во здравствените институции, притоа исклучувајќи ја секоја можност за партиски реваншизам и вработувања по партиски клуч.

Истовремено, веднаш после промената на власта, во иста насока беше и изјавата на новиот министер за здравство Арбен Таравари, кој рече:

„До крајот на оваа година ќе биде објавен конкурс во кој што ќе бидат примени на работа над 1.000 лица средномедицински персонал. Тука не подразбирам само медицински сестри, туку и болничари, лаборанти, тие што беа со договор на дело. Но, и тоа повторно е малку и ќе имаме потреба за уште“.

Меѓутоа, наместо исполнување на ветеното, на својата прва седница одржана на 28 јуни, Владата на Мицкоски усвои заклучоци со кои ги задолжи работодавачите од јавниот сектор и трговските друштва во државна сопственост ДА ГИ ЗАПРАТ ПОСТАПКИТЕ ЗА ВРАБОТУВАЊЕ НА НЕОПРЕДЕЛЕНО ВРЕМЕ, како и ДА НЕ СПРОВЕДУВААТ ПОСТАПКИ ЗА ВРАБОТУВАЊЕ НА НЕОПРЕДЕЛЕНО ВРЕМЕ И ПОСТАПКИ ЗА УНАПРЕДУВАЊЕ, врз основа на издадени позитивни известувања од Министерството за финансии за обезбедени средства за 2024 година во периодот до 14.02.2024 година!

Како потврда на кажаното, ги приложуваме двата документа: Известувањето од Министерството за финансии потпишано од поранешниот министер Фатмир Бесими и Информацијата од првата седница на актуелната Влада за запирање, односно неспроведување на постапките за вработување на неопределено време, потпишана од Генералниот секретар Игор Јанушев.

Господа од ДПМНЕ и ЗНАМ, зошто ги излажавте вработените со Договор на дело во Општата болница со проширена дејност – Прилеп?

Зошто не им дадовте Решенија на 79 лица за кои Владата на СДСМ обезбеди финансиски средства за вработување на неопределено време? Зошто си играте со човечки судбини?

Господине министер за здравство, Арбен Таравари, зошто не го одржавте ветувањето и не распишавте конкурс за вработување на над 1.000 лица средномедицински персонал?

Почитувани членови на Владата, ова се прашањата чии одговори им ги должите и на оние 120 луѓе од Прилеп кои ги оставивте без леб, но и на целата македонска јавност.

ОВАА НЕДЕЛА

ОЈО: СОПРУГАТА НА ПЕЦЕ МИРЧЕСКИ КОРИСТЕЛА ВОЗИЛА СО ШОФЕР ОД ФИРМА СО КОЈА ТОЈ СКЛУЧУВАЛ ТЕНДЕРИ

По спроведена претходна постапка, јавен обвинител од Основното јавно...

ОБЈАВЕН ОГЛАС ЗА ИЗБОР НА 47 ЈАВНИ ОБВИНИТЕЛИ

Советот на јавни обвинители објави оглас за избор на...

ТЕПАЧКА МЕЃУ ДВАЈЦА ДОКТОРИ ВО ОПЕРАЦИОНА САЛА ВО КЛИНИЧКАТА БОЛНИЦА ВО ШТИП

Секторот за внатрешни работи во Штип информираше за пријава...

Најчитани

ПОПУЛАРНИ КАТЕГОРИИ