На социјалните мрежи деновиве се објаваат повеќе фотографии од ученици од ОУ Никола Карев во Пробиштип, кои заедно со своите одговорни наставници присуствувале на Молебен за почеток на учебната година, во локалната црква Успение на Св. Богородица.
Не се знае дали наставниците добиле одобрување од родителите на малолетните ученици, да присуствуаат на ваков религиозен настан.
Според извори кои ги испратија фотографиите, на дел од учениците им било кажано дека мораат да присустваат на религиозниот настан, а родителите за Молебенот дознале дури отпосле – од страна на нивните малолетни деца.
Не е јасно зошто одговорните во училиштето постапиле на ваков начин, и зошто не е испочитувана уставната категорја за секуларност помеѓу црквата и државата, односно зошто дел од учениците биле принудени да присуствуваат на религиозен собир.
