Директорот на ЈП „Државни Патишта“, Коце Трајановски, денеска како одговор на новинарско прашање, рече дека Бехтел и Енка се уште не започнал со работа на терен на автопатите од Коридор 8 и Коридор 10Д, затоа што државата треба да најде пари за да ги дислоцира електричните и телекомуникациските водови кои се наоѓаат на предвидената траса. Како што рече новиот директор на ЈПДП, тоа не е работа на американско-турскиот изведувач, односно не влегува во рамки на предвидениот трошок од 1,3 милијарди евра,туку државата тоа треба да го направи сама.
– Тоа е договор кој е специфичен, направен по специјален закон. Постоеле рокови за експропријација и дислокација на електрични и телекомуникациски водови, што е надлежност на Република Македонија и не потпаѓаат под тие 1,3 милијарди, рече Трајановски.
Поранешниот градоначалник на Скопје рече дека зададените рокови за расчистување на водовите се веќе пречекорени.
– Ние правиме интензивни напори во последните мсец и нешто за да ја решиме експропријацијата. Ако не ја решиме експропријацијата, Бехтел и Енка не може да влезе на терен. Тие не можеда работат таму ако земјиштето не е „исчистено“. Ние работиме интензивно за да може што побргу да започне Бехтел и Енка со работа. Се надевам дека пред Нова година ќе успееме да ги внесеме на терен, додаде Трајановски.
.gif)
.gif)
