Легитимно е да се протестира.
Но, очајно е и опасно да се закануваш дека „нема да се вратиш од улица“ затоа што поранешен министер – кој е потенцијално одговорен за смртта на 62 млади животи – ќе биде обвинет.
Да повикуваш на предвремени избори заради покрената истрага за трагедија од таков размер – не е ништо друго освен бегање од одговорност.
Добро луѓе, има ли некој во Македонија што не сака да се расчисти случајот до последен, до најситен детал?
Дали смееме да дозволиме Ахмети да ги користи емоциите како штит за својот сопартиец, ставајќи ја партијата над правдата?
Што е тоа што го тера Ахмети да се плаши од вистината? Зошто би му пречела истрагата ако е уверен дека неговите не се виновни?
И конечно – зошто пратеникот Ахмети ја доведува во корелација одлуката на Јавното обвинителство со предвремени избори?
