КОВАЧЕВСКИ : ДЕНЕСКА КОГА ГО ОДБЕЛЕЖУВАМЕ МЕЃУНАРОДНИОТ ДЕН НА ХОЛОКАУСТОТ ДО НАС ДОПИРААТ СУДБИНИТЕ НА СИТЕ ЖРТВИ ВО НАЦИСТИЧКИТЕ ЛОГОРИ НА СМРТТА

0
702
Денеска, кога го одбележуваме Меѓународниот ден на холокаустот, до нас допираат судбините на сите жртви во нацистичките логори на смртта.
Секој од нив има своја порака за сите нас, судбините на тие луѓе никогаш не треба да ги заборавиме.

Наша обврска е да го одржуваме споменот за нив и нивното страдање, во историските учебници, преку образованието.

Тоа е наша цивилизациска обврска. Да се бориме, постојано и бескомпромисно, претворајќи го сеќавањето во акција, и да бидеме гласни против антисемитизмот, расизмот, ксенофобијата и другите облици на нетолеранција.

На овој ден се сеќаваме и им оддаваме вечна слава и почит и на македонските Евреи кои ги загубија своите животи во концентрациониот логор Треблинка во Полска, заедно со 6 милиони Евреи кои беа погубени во Аушвиц-Биркенау и во другите логори на смртта.

Никогаш да не се заборави, за да не се повтори.
Фејсбук статус на премиерот Димитар Ковачевски.