Кина ги предупреди другите земји да не склучуваат трговски договори со САД на нејзина сметка, во спротивно ќе преземе контрамерки, пренесе Ројтерс.
Кинеското Министерство за трговија соопшти дека „цврсто“ ќе се спротивстави на секој договор што им штети на интересите на Кина и ќе преземе соодветни контрамерки.
Предупредувањето уследи по извештајот на Блумберг, според кој американската администрација се подготвува да изврши притисок врз земјите кои бараат намалување на царините или ослободување од американските царини да ја намалат трговијата со Кина, вклучително и воведување монетарни санкции.
