И денеска во 18 часот илјадници граѓани во борбата за правда и демократија излегуваат на протест!

0
679

И денеска, во 18 часот граѓаните ќе се соберат пред СЈО каде ќе го започнат својот протест за поцлеуцањ на скандалознаа олука на Иванов за сеопшта аболиција, негова оставка и одложување на изборите.

-Ние, граѓанките и граѓаните кои во борбата за правда и демократија, здружени протестираме низ улиците на Македонија во име на слободата, правдата и еднаквоста, нагласуваме дека преговори во овие услови се неприфатливи.

Затоа, одлучно продолжуваме со протести и бараме:
– Итно повлекување на одлуката за аболиција на сите оние против кои се води истрага и против кои е покренато обвинение од страна на Специјалното јавно обвинителство (СЈО);
– Итна и неотповиклива оставка на Ѓорге Иванов од функцијата Претседател на Република Македонија;
– Произнесување на Уставниот суд за уставноста на СЈО;
– Формирање на специјално одделение на Кривичниот суд, кое ќе биде надлежно за случаите под јурисдикција на СЈО;
– Итно повлекување на одлуката за одржување на парламентарни избори на 5 јуни;
– Задолжително вклучување и присуство на независни претставници на граѓанското општество во процесот на решавање на кризата;
– Формирање на преодна влада која докрај ќе ги имплементира итните реформски приоритети од извештајот на Прибе.

Дотогаш, нашата политичка борба останува на улиците. Се гледаме денес, вторник 19 април, пред канцелариите на Специјалното јавно обвинителство во Скопје!

Нема правда, нема мир!
#Протестирам #Protestoj – стои во најават на протестот.