Истакнатиот битолски бизнисмен Христо Кондовски вчера учествуваше на доделувањето на престижната меѓународна награда ”Business elite’s 40 under 40“.
„Чест ми е и големо задоволство вечерва да бидам дел од доделувањето на меѓународната награда “40 највлијателни и најуспешни бизнис лидери под 40 години” (”Business elite’s 40 under 40) за Југоисточна Европа за 2020/2021 година. Годинава поради професионалните обврски, на гала церемонијата во Истанбул присуствував виртуелно преку апликацијата Зум. Но, да бидам дел од настаните кои ја обединуваат ова млада лидерска бизнис елита ме обврзува и статусот на добитник на истата оваа престижна награда во 2019 година кога во срцето на Амстердам во историската Huis Bartolotti ми беше врачена статуетката на 40-те најуспешни и најамбициозни млади бизнис лидери под 40 години од десет земји од Југоисточна Европа.“-рече Кондовски по вечерашната церемонија.
Тој истакна дека наградите не се само привилегија, туку се обврска за младите претприемачи во регионот. „Наградите се и обврска за нов придонес во правец на напредок и развој на регионот во кој делуваме. Убеден сум дека заедно можеме да постигнеме уште поголеми успеси на сите полиња, а особено во бизнисот и економијата!“-порача Кондовски по повод доделувањето на престижната меѓународна награда ”Business elite’s 40 under 40“.
Но, капацитетите на овој претставник на новата бизнис генерација во Битола не се случајно препознаени од деловните професионалци од регионот на Југоисточна Европа.
Неговата биографија покажува дека Кондовски е млад бизнисмен кој го започнува својот работен ангажман веднаш по дипломирањето во врвот на својата класа на Економскиот факултет – Прилеп при Универзитетот „Св. Климент Охридски“ Битола. Со титулата магистер се стекнува на Универзитетот за Туризам и Менаџмент Скопје (2010-2012), a образованието го продолжува на докторски студии на отсекот осигурување при Битолскиот универзитет на Факултетот за туризам и угостителство.
Првиот работен ангажман го имал како агент за осигурување во осигурителното друштво “Вардар осигурување” (подоцна Триглав Осигурување) Скопје каде метриката на неговиот учинок веднаш го позиционира како најуспешен осигурителен агент именуван за Главен агент за големи клиенти.
Веќе докажаниот осигурителен професионалец во 2014 година заедно со Зоран Пејчиновски, во соработка со веќе афирмирани деловни луѓе од земјава го основа денес најголемото осигурително брокерско друштво во државата, СН Осигурителен брокер АД Битола. Тој, всушност, е моторот за развојната компонента на друштвото, кој врз себе ја презел и обврската за следење и унапредување на човечките ресурси.
Во 2017 година своето искуство, знаење и неуморен претприемачки креативен дух ги имплементира како косопственик на групацијата СН што ја сочинуваат повеќе правни лица со различен профил на работа. Од 2020 година се фаќа во костец со нов предизвик како коосновач и сопственик на Друштвото за управување со инвестициски фондови СНИФ ДОО Битола.
Така, неговите напори во бизнис секторот се пошироко препознаени и во 2019 година тој се вбројува во добитниците на меѓународната награда “40 највлијателни и најуспешни бизнис лидери под 40 години” (”Business elite’s 40 under 40) за Југоисточна Европа.
.gif)
.gif)
