На инспекторката која донесе решение за рушење на два ката и поткровје од спорниот објект на Владимир Панчевски, да ѝ се забрани да постапува по тој предмет. Тоа е единствнета мерка која од судот ја побарало скопското обвинителство откако реши да гони општински инспектор кој сака да руши дивоградба а не оној што наводно ја направил дивоградбата, информира Алсат.
Адвокатот на осомничената инспекторка, Филип Медарски, вели дека на таа одлука ќе мора да се почека.
„ По предлогот од обвинителството ние побараме изземање на сите судии, односно целиот скопски кривичен суд по овој предмет. Причината е што предметот се однесува токму на претседателот на судот, Владимир Панчевски со што е доведена под знак прашање непристрасноста на судот. Ова прашање мора да добие одговор пред било каква одлука за забраната која ја бара обвинтиелството“, вели Медарски.
Информацијата за упадот на обвинителството во општината Центар но и решението кое вели дека претседателот на најголемито суд во земјава гради дивоградба среде Скопје, беше објавена вчера. Случајно или не, акцијата на обвинителството дојде откако завчера побаравме и добивме став од Панчевски за темата, за приказна која требаше и се емитува следниот ден.
Во изјавата од четвртокот за нас, Панчевски тврдеше дека не бил запознаен со решението за рушење на два ката и поткровје од зградата во која е дел од инвеститорите. Вчера пак, изјави дека деновиве имал средба лично со градоначалникот Жерновски токму за објектот.
Општината и денес тврди дека Панчевски бесправно си доградил два ката и поткровје, спротивно од одобрението што му го издале. Во прилог на нивното тврдење, велат дека за доградбата не се платени комуналии
