Израел планира брза депортација на шведската активистка Грета Тунберг и уште 11 активисти по нивното приведување во близина на своите територијални води.
Министерството за надворешни работи на Израел објави дека активистите од јахтата „Мадлен“, меѓу кои е и Тунберг, ќе бидат спроведени до пристаништето Ашдод и од таму ќе бидат депортирани преку аеродромот Бен Гурион.
„Бродот безбедно плови кон бреговите на Израел. Се очекува патниците да се вратат во своите матични земји“, се вели во соопштението на израелското Министерство за надворешни работи. „Селфи јахтата што ја превезува Грета Тунберг и други таканаречени „селебритис“ го продолжува своето патување кон израелско пристаниште“, се вели во соопштението.
Правниот центар Адала, кој се залага за правата на арапските малцинства во Израел, побара итна информација за локацијата и статусот на притворените активисти. Од центарот нагласуваат дека бродот никогаш не влегол во израелски територијални води ниту пак имал намера тоа да го направи.
– Адала бара итно откривање на правниот статус на активистите, нивно право на правна помош и застапување – се наведува во соопштението.
The “selfie yacht” carrying Greta Thunberg and the other so-called “celebrities” is continuing its journey toward an Israeli port.
Upon arrival, arrangements will be made for their return to their respective home countries. pic.twitter.com/iK1tTKHizA
— Israel Foreign Ministry (@IsraelMFA) June 9, 2025
The ‘Selfie Yacht’ docked at Ashdod Port a short while ago. The passengers are currently undergoing medical examinations to ensure they are in good health. pic.twitter.com/dGOhPxQnYI
— Israel Foreign Ministry (@IsraelMFA) June 9, 2025
