ЗАЕВ ГО ПРИФАТИ ПРЕДЛОГОТ НА МИЦКОВСКИ – Во понеделник во 13 часот, Заев-Мицкоски на тет-а-тет средба во Клубот на пратеници

0
262

Лидерите на двете најголеми политички партии Зоран Заев и Христијан Мицкоски в понеделник во 13 часот ќе одржат тет-а-тет средба во Клубот на пратеници, откако вечерва за ТВ21 Заев рече дека ја прифаќа понудата на Мицкоски.

Лидерот на најголемата опозициска партија ВМРО-ДПМНЕ Мицкоски вечерва го повика премиерот Зоран Заев на тет-а-тет средба во Клубот на пратеници, за да разговараат за кризата со пандемијата, работата на Парламентот, за пописот, економијата, евроинтеграциите, изборите…

Стојам на располагање, ќе го прилагодам моето време, така како што нему му одговара, да разговараме за сите проблеми кои се од животно значење за граѓаните, од кризата со пандемијата до работата на Парламентот, за што е денеска отворено, а не решено. Зборувам за тет-а-тет средба како двајца претседатели на двете најголеми политички партии кои имаат повеќе од две третини пратеници во рамките на Парламентот. Го повикувам, се надевам дека нема да бидам погрешно сфатен од страна на останатите политички лидери, бидејќи целта ми е навистина искрена. Целта е да се постигне консензус меѓу двете најголеми политички партии, рече Мицкоски во гостувањето во вестите на телевизијата Сител.

Заев ја прифаќа понудата од лидерот на ВМРО-ДПМНЕ Христијан Мицкоски.

„Секако да, прифаќам“, вели Заев за ТВ21.