Најмалку 89 лица се повредени откако иранска ракета ја погоди болницата во израелскиот град Бершеба, а ракетни удари беа извршени и врз станбени згради во Рамат Ган и Холон. Од Иран тврдат дека целта бил воен објект во близина на болницата, но израелските власти обвинуваат за намерно гаѓање на цивилни цели, наведувајќи ја болницата Сорока како пример.
Портпарол на израелските одбранбени сили
По овој напад, израелските власти реагираа бурно и го означија инцидентот како најтежок удар нанесен од Иран досега. Министерот за одбрана Израел Кац го посочи иранскиот лидер Али Хамнеи како главен виновник, изразувајќи отворена закана кон него:
Ги утврдивме целите на војната: елиминација на нуклеарната закана и ставање крај на ракетните напади. На армијата ѝ беше наредено дека овој човек повеќе не смее да постои.
Израел Кац, министер за одбрана
Во текот на ноќта, Иран изврши досега најмасовен ракетен напад врз Израел, лансирајќи 20 до 30 балистички ракети во два бранови. Според информациите, болницата Сорока била погодена во вториот бран, околу 7 часот наутро. Пред овие напади, израелските воздушни сили извеле удари врз неколку ирански локации, вклучувајќи производствен комплекс за тежок водород во Арак.
