Младиот С.Ф., син на висок функционер на Општина Гевгелија и на ОК ВМРО ДПМНЕ Гевгелија во раните утрински часови минатиот петок предизвикал сообраќајна несреќа забивајќи го црвеното Мицубиши на неговиот татко во еден двор во Гевгелија.
Забивајќи се во оградата го оштетил автомобилот, но ги оштетил и стубовите од оградата. Притоа, С.Д. бил под дејство на алкохол и марихуана.
За разлика од Диме Спасов, С.Ф. не успеал да побегне, но неговиот моќен татко успеал да ја заташка целата работа.
Имено, таткото аздисан функционер извршил тежок притисок врз институциите за да го спаси својот син од одговорност за стореното, а со оштетените се договорил за брзо санирање на штетата.
(Еве каде се забил аздисаниот син на градоначалникот Франгов. Црните даски се ставени за да се направи повторно бетонскиот столб кој бил целосно разнесен на парчиња и расфрлан по дворот на оваа куќа во Гевгелија. Бетонскиот столб сепак му помогнал на синот на Франгов да застане, инаку ќе ја собрал целата метална конструкција и со се неа ќе влегол во дневната на овие сироти Гевгеличани).
На тој начин успеале да ја заташкаат целата работа, но сепак ова е мал град и се се дознава.
Аздисаните функционери на ВМРО ДПМНЕ не успеваат да си ги воспитат своите деца. Децата стануваат аздисани исто како и родителите.
Се надеваме дека оваа немила случка ќе биде поука и за С.Ф. и за неговиот родител, но и за сите моќници во градот.
