Стотици Албанци од Куманово се собраа денеска, по информација дека претседателот на ДУИ, Али Ахмети, ќе го посети нивниот град. Тие се групирале на неколку клучки, на влезот во Куманово, со намера да го спречат евентуалното пристигнување на Ахмети, објави „Лајм“.
Најмногубројни биле во населбата Диво Насеље, бидејќи според инфомациите, Ахмети имал намера да ја посети токму оваа населба.
Граѓаните на Куманово го обвинуваат Ахмети дека иако можел, не направил ништо да го спречи кумановскиот конфликт на 9 и 10 мај оваа година. Сметаат дека како последица на „неговите игри“ со кумановскиот огранок на ДУИ, се случило и убиството на Џемаил Реџепи – Командант Шќипоња, кој беше главен кандидат за претседател на огранокот. Тоа го смета и неговиот татко, Мејди Реџепи, кој исто така им се прикучи на денешните блокади.
