ДРАМА НА БИХАЧКА: СИТЕ БИЛЕ ПРОТИВ ОСТАВКАТА НА ЗАЕВ, НО ЗАЕВ НЕ ПОПУШТИЛ, ЗАТОА СЕ ДОНЕЛА ОДЛУКА ЗА КОНГРЕС НА 12-ТИ ДЕКЕМВРИ НА КОЈ ЌЕ СЕ БИРА НОВ ЛИДЕР

0
1144

Сите членови на Извршниот одбор на СДСМ на вечерашната седница се спротивставиле на одлуката Зоран Заев да си замине од лидерската позиција, вели за Фокус висок партиски функционер.

Сепак, додава тој, Заев повторно опстоил на ставот дека неговата одлука за повлекување и од владата и од партијата е дефинитивна, и покрај сугестиите дека партијата може да влезе во уште подлабока криза.

Во таква ситуација, дознаваме дека на крај донесена е одлука да се предложи одржување на внатрепартиски избори на 12-ти декември, што треба да помине на партискиот Централен одбор, каде веќе е усвоен дневниот ред и се води расправа.

Инаку, партиски извори брифираат дека постојат стравувања дека по повлекувањето на Заев партијата ќе влезе во фаза на партиски поделби, со оглед дека се најавуваат неколку кандидатури за партиски лидер.

Оттука, според нив, само прашање на време е колку ќе издржи владата предводена од СДСМ, без оглед дали ќе се зголеми парламентарното мнозинство.