Пратеникот од ДПА, Беким Фазлиу тврди дека претседателот на СДСМ, Зоран Заев, кој, според него, е политички наследник на Глигоров и на Црвенковски, како политички шарлатан на хистеричен начин ја искажал големата омраза што ја има кон Албанците не само овде во Македонија, туку и за Албанците во Албанија и во Косово.
– Верните слуги на вчерашната и на сегашната УДБА, „Алсат-М“, Ким Мехмети, Мерсел Билали, кои се виновници и соучесници на сите тие убиства и малтретирања на Албанците што ги имаат извршено нивните патрони Верушевски, Фрчкоски со целата тајфа на СДСМ кога беа на власт, а кои сега станаа аргати на Заев, создаваат збунетост и ги оцрнуват Албанците, расејуват магла кај Албанците – рече Фазлиу на прес-конференција.
Тој рече дека Заев, како што се обиде да ја оцрни албанската опозиција во Македонија, ДПА, без никаков доказ, истото го направил вчера и со лидерите на Албанија и на Косово, залепувајќи им тенденциозни политички квалификации со јасна цел – да ја стави под хипотека целата албанска државна политичка елита.
– Веќе е повеќе од јасно дека целта на денешниот Заев е став на вчерашните Глигоров и Црвенковски за да се оцрнат и се направи раздор меѓу Албанците. Јавно му кажуваме на овој шарлатан од Струмица, кој фалсификува и клевети, монтира и фантазира, подалеку рацете и ноктите од Албанците. Подалеку рацете од Албанија и од Косово, премногу си мал за овие работи. Додека е тука ДПА, како што им го покажавме местото на твоите претходници, ќе се погрижиме и вам истото да ви се случи – рече Фазлиу.
ДПА бара Министерството за надворешни работи на Македонија итно да им се извини на Владата на Албанија и на Владата на Косово за, како што рече Фазлиу, големиот скандал што го направил Заев со неговите клевети.
Извор: Мета
