ДОМ: Зошто полицијата го толерира убиецот и мачителот на животни во Ѓорче?!

0
1002

СООПШТЕНИЕ

ДОМ: ЗОШТО ПОЛИЦИЈАТА ГО ТОЛЕРИРА УБИЕЦОТ НА КОЊИ?

Ужаснати сме од сликите на намерно изгладнетиот коњ, оставен да умре во дворот на основното училиште во Ѓорче Петров. Уште повеќе од информацијата на организацијата за заштита на животни Анима Мунди, дека по акцијата за спасување на коњот, кога бил најден и вдомувач, полицијата не презела ништо да му се одземе измачениот коњ на мачителот.

Хорор приказната не е завршена, зашто истиот човек на ист начин постапува со уште еден коњ! Необјасниво е зошто институциите надлежни да реагираат во случај на измачување на животни, не преземаат ништо!

ДОМ јавно прашува: Зошто полицијата го толерира убиецот на коњи? Зошто не му го одзема вториот коњ кој е во моментов измачуван со глад? Апелираме до полицијата и до Агенцијата за храна и ветеринарство да реагираат во овој и во сите вакви случаи, зашто имаат право и обврска да постапат, во склад со Законот за благосостојба на животните!

Сектор за односи со јавноста