Делегација од Извршниот комитет на Европската зелена партија (ЕЗП) во состав Рајнард Бутикофер, ко-претседател на ЕЗП, Мар Гарсија Санз, генерален секретар и Марија Петинаки, член на Извршниот комитет, синоќа (25.08.2015) имаа повеќечасовна средба со членовите на Извршниот одбор на ДОМ.
На средбата беше разговарано за актуелната политичка состојба во Македонија и предизвиците со кои се соочи Македонија во последниве неколку месеци, како и за уште посилно политичко претставување на зелената агенда во политичкиот и општествениот живот.
Претставниците на Европската зелена партија го поддржаа понатамошното демократизирање на македонското општество, и истакнаа дека е потребна поголема различност во политичкиот простор која ќе го збогати политичкиот живот на државата. Сметаат дека тоа е возможно преку промената на изборниот модел, односно конституирање на Македонија како една изборна единица.
