Коза ностра доби потврда на шпекулациите дека Гордана Јанкуловска актвно се подготвува да седне во фотељата на македонската Контрола на летање. Таа, како што се гледа на фотографијата до која ексклузивно дојдовме, заедно со повеќе другарчиња, вежбала контрола на летање во близина на аеродромот „Александар Велики“.
Според нашите информации, вежбата поминала успешно, од летаните сто змаеви, само три се судриле меѓу себе, што е подобар учинок од сите други кандидати за престижната функција. Извори за Коза ностра потврдија дека најлоши резултати на тестирањето покажал Миле Јанакиески, кому од сто змаеви – сто и три му се судриле, а на дваесет и осум сосема им се губи трагата.
Извор : КозаНостра
