ВНАТРЕШНА КОНТРОЛА НА МВР ОТВОРИ ПРЕДМЕТ ЗА ПОЛИЦАЕЦОТ КОЈ ГО УДРИ РАКОМЕТАРОТ ТАЛЕСКИ

0
429

Одделот за внатрешна контрола, криминалистички истраги и професионални стандарди при МВР оформи предмет во врска со случувањата на финалето на КУП на Македонија, информираа од МВР.

Вчера по натпреварот од КУП финалето меѓу Вардар и Пелистер дојде до инцидент и турканица во која полицаец го удри со пендрек по глава ракометарот на „црвено-црните“ и македонски репрезентативец Филип Талески.

-По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица.
По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, објаснија од МВР.