СДС се обидува да ја продаде старата политика преку рециклираниот партиски аватар-Александар Трајановски, кој е верна сенка на Зоран Заев и Венко Филипче.
Наместо вистински нов почеток, повторно гледаме ист деструктивен стар режим.
Трајановски веќе беше носител на советничка листа во Аеродром, но поразен од граѓаните, а кога едвај успеа да стане советник брзо ја напушти функцијата, оставајќи ги граѓаните без објаснување. Ова не е одговорност – ова е фалш!
Со СДС наместо решавање на урбанистичките проблеми, уредување на паркови и грижа за комуналните услуги, добивавме следење на партиските цели од централата.
Граѓаните не бараат лична корист, тие бараат резултати, а СДС со истата неуспешна приказна, а нова етикета, не може да понуди решенија и резултати.
Сега не треба експерименти со рецидив политички провалии, туку силна и транспарентна локална власт.
Жителите на Аеродром добро знаат што значи да бидат оставени настрана и изневерени. Тие не забораваат и затоа ќе кажат: не на Заевизмот во нова обвивка. Тие знаат дека треба да дадат поддршка на кандидат кој е вистински дел од заедницата, ја зборува вистината и има програма што носи конкретни резултати на терен.
Граѓаните не прифаќаат релоадирани партиски лица без конкретна програма и одговорност. Тие избираат вистинска стратегија, а не евтини амбиции продадени како “нов почеток“.
