„Помина цела недела од едностраната одлука на ВМРОДПМНЕ и ДУИ и лошата глума за наводно решение за криминалната аболиција. Божем го сменија законот за помилување за да му овозможат на Иванов да ги поништи аболициите.
Да беа минимум искрени во нивната наводна желба за поништување на аболициите Иванов во првиот час ќе ги поништеше сите. Лицето Ѓорге Иванов можеше но не поништил ниту една аболиција“, рече портпаролот на СДСМ, Петре Шилегов.
„Кабинетот на Иванов, ВМРОДПМНЕ и ДУИ треба да одговорорат зошто до денеска ниту една аболиција не е поништена? Со ова, уште еднаш се потврди.
Никола Груевски преку нарачаната аболиција кај Иванов го држи појасот за спасување од кривично гонење за него и неговите соработници. Едностраните одлуки на ВМРОДПМНЕ и ДУИ се само обичен театар, немаат значење, не функционираат.
Целосно поништување на незаконската одлука на Иванов за аболиција мора да има и ќе има. Правдата ќе се врати, секој што го прекршил законот ќе одговара“, изјави Шилегов.
.gif)
.gif)
