Thursday, February 13, 2025
3.8 C
Skopje

(ВИДЕО) Шилегов: Груевски сака пролевање крв, но нема да се спаси од одговорност

Изјава за медиуми на Петре Шилегов, портпарол на СДСМ:

[youtube height=”500″ width=”600″]https://www.youtube.com/watch?v=wRvQxsZ28us[/youtube]

Почитувани граѓани,

Социјалдемократскиот сојуз порачува веднаш да престанат насилствата врз новинари, критичари на власта, неистомисленици, врз припадници на опозицијата, што зачестија изминативе неколку месеци.

Укажуваме дека инцидентот што се случи вчера врз сопственикот на порталот Доказ.Мк, во којшто Марјан Стаменковски заврши со скршена глава и скршен нос со метални шипки, ја прелева чашата на трпението, што може да има натамошни сериозни последици.

Надлежните органи, пред се професионалците во МВР мора веднаш да најдат сила да одолеат на партиските притисоци, да отворат истрага и да го расветлат вчерашниот  вандалски напад врз сопственикот на порталот Доказ.Мк, но и сите претходни, а ги има многу.

Повторуваме дека тоа што во Владата сеуште седи тепачот на сопственикот на порталот Мактел, лично вицепремиерот Владимир Пешевски, без да биде покрената каква било постапка против него упатува на скандалозен факт дека нарачател на насилствата е самата власт.

Врв на апсурдот е што синоќа, неколку часа по нападот врз Стаменковски, Ивановски бил повикан во полиција за да му соопштат дека тој ќе биде казнет со 300 евра за тупаниците што ги доби од послушникот на Груевски во ТВ Сител, Александар Спасовски.

Потенцираме дека тоа што ВМРО-ДПМНЕ преку официјално соопштение порача дека ќе завршат како новинарот Ивановски сите кои со своите прашања го вознемирувале премиерот или функционерите на ВМРО-ДПМНЕ, мотивира и стимулира насилство.

Како што знаете, со повреди на главата од шипки веќе заврши претседателот на ОО на СДСМ во Центар. Запалени се автомобили на неколкумина поддржувачи на СДСМ, во коишто инциденти еден од нив почина од срцев удар.

Да не говориме за поставувањето венец пред врата на новинар на порталот НОВА и за заканите врз граѓански активисти кои ги критикуваат неразумните политики на власта.

Дали ова е намерата на власта на Никола Груевски, преку пролевање на крв да се спаси од сопствената одговорност?

Порачуваме, дека Груевски и неговите соработници ќе одговараат за сите повреди врз граѓаните на Република Македонија.

Ќе одговараат и тоа многу брзо и оние кои ги кријат и помагаат насилничките инциденти коишто не се ништо друго туку безуспешни обиди да се заплаши критичката јавност.

ОВАА НЕДЕЛА

СОПРУГАТА НА ИГОР ЈУГ: ЕДНА РЕЧЕНИЦА ДА МЕ ПОСЛУШАШЕ, СЕГА УШТЕ ЌЕ БЕШЕ МЕЃУ НАС

Сопругата на Игор Југ, еден од осудениците за настаните...

СТОЈЧЕВСКИ: ВОЗЕЛ ПИЈАН, БЕЗ ВОЗАЧКА, НАПРАВИЛ СООБРАЌАЈКА – БАРАМЕ ОСТАВКА ОД ПРАТЕНИКОТ СЕРГЕЈ ПОПОВ

Прес конференција на Социјалдемократската младина на Македонија, Трајче Стојчевски...

КУЗМАНОВСКА: СКАНДАЛОТ СЕ ШИРИ, СЕРГЕЈ ПОПОВ НАМЕСТО ЗАТВОР ДОБИЛ КАЗНА ОД 500 ЕВРА

Изјава за медиуми, Стефанија Кузмановска, потпретседателка на СДММ Почитувани, Скандалот со...

Најчитани

ПОПУЛАРНИ КАТЕГОРИИ