Со чекан и тесла, полицаец од М. Каменица решил да ги израмни недоразбирањата со неговиот комшија од станбената зграда во која заедно живеат.
Со вакво обвинување пред камерата на ТВ Стар излезе 36-годишниот Венцо Јакимовски, кој е иселеник од Каменица, а кој од овој физички дуел се здобил со повреди.
Јас живеам на десетти, тој на втори спрат. Додека го чекав лифтот видов дека влагува во зградата а во рацете носеше тесла и чекан. Кога поминуваше покрај мене ме удри со еден од тие предмети, раскажува Венцо Јакимовски.
Ова е последната сцена од проблемите меѓу овие двајца кои настанале откако Венцо почнал да си го реновира станот.
Венцо за проблемите со службенто лице поднесувал и поплаки до полицијата, а најавува и кривична пријава против полицаецот.
Уплашен сум и вознемирен постојано има оружје во него. Кога е во униформа носи пиштол, еве вчера во него имаше тесла и чекан, кажа Јакимовски.
Од СВР Штип денеска потврдија дека лицето има поднесено две поплаки против вработениот во Полициското одделение во М. Каменица, со инцијали Т.М. поради нарушени соседски односи. Но, на 6 октомври, веднаш по поднесената поплака од В.Ј., следувала писмена поплака и од полицаецот. Од СВР Штип информираат дека се преземени сите мерки од нивна страна и е извршени усно предупредување на лицата, но потенцираат дека нема пријавено инцидент со тесла и чекан и дека полицаецот во моментот на настаните не бил на работа и немал службени активности.
