(ВИДЕО) Костадинов : Дали донациите на Орце Камчев за кампањата на ВМРО-ДПМНЕ се неколку стотици илјади евра?!

0
692

Прес конференција, Костадин Костадинов, портпарол на СДСМ и пратеник

Почитувани граѓани, почитувани новинари,

Цели осум дена Христијан Мицкоски молчи, бега од јавноста, не дава одговор на јавно поставените прашања:

Дали тајкунот и обвинет во предмети на СЈО, Орце Камчев ја финансирал кампањата на ВМРО-ДПМНЕ за престедателските избори?

Нема одговор ниту на прашањето, дали сите донации за кампањата на ВМРО-ДПМНЕ за изборите се нотирани во нивниот Финансиски извештај?

Молчи Мицкоски, молчи и Игор Јанушев кој како генерален секретар е потписник на сметката.

Молкот на Мицкоски и Јанушев отвора сериозни и оправдани сомнежи во јавноста.

За да ги охрабриме, да излезат и да одговорат пред граѓаните, ги прашуваме:

Дали донациите на Орце Камчев се неколку стотици илијади евра?

Ако Камчев ја финансирал кампањата со стотици илјади евра, а тоа не е заведено во финансискиот Извештај, тогаш се отвора простор за индиции за сериозно кривично дело, нелегално финансирање на изборна кампања.

Дали ова директно го поврзува Мицкоски со случајот „Рекет“ и дали можеби ова е мотивот, зошто тој толку посветено го брани тајкунот на режимот, Камчев?