(ВИДЕО) БОМБА НА НИКОЛОВСКИ: ВЧЕРА ГРЕКО ЈА ПОФАЛИ СЕВЕРНА МАКЕДОНИЈА НА ПОСЛЕДНАТА ПЛЕНАРНА СЕДНИЦА, МЕРКИТЕ ПРОТИВ КОРУПЦИЈА И КРИМИНАЛ ДАВААТ РЕЗУЛТАТИ!

0
192

Заменик-претседателот на Владата задолжен за борба против корупцијата и криминалот, одржлив развој и човечки ресурси, Љупчо Николовски, и министерот за правда, Бојан Маричиќ, денеска ги презентираа препораките од најновиот извештај на Телото на Советот на Европа кое се занимава со мониторинг на антикорупциските стандарди во земјите – ГРЕКО. На вчерашната пленарна седница, ГРЕКО нотираше значаен напредок на Република Северна Македонија во делот на исполнување на препораки од четвртиот круг на евалуација. ГРЕКО констатира дека Северна Македонија прави голем исчекор – досегашната оценка за усогласеност со дадените препораки на ГРЕКО која беше „генерално незадоволителна“, сега се искачува на „задоволителна“.

„Позитивно сме оценети за носењето на Етичкиот кодекс за пратеници со одредби за спречување на конфликт на интереси, за примање подароци, како и со конкретни санкции за пратениците кои не ги почитуваат одредбите од Кодексот. ГРЕКО позитивно го оцени носењето на новиот Закон за спречување на корупција и судир на интереси со кој се проширени надлежностите на ДКСК, и притоа нотира дека Законот утврдува едноставна и електронска форма на Изјава за темелна проверка на имотот и конфликтот на интереси на функционерите, за што е надлежна исклучиво ДКСК“, изјави заменик-претседателот на Владата задолжен за борба против корупцијата и криминалот, одржлив развој и човек ресурси, Љупчо Николовски.