(Видео) Бомба бр.14 – Заев: Груевски договорил 25 милиони евра провизија за двата автопата од кинеска компанија!

0
908

[youtube height=”500″ width=”600″]https://www.youtube.com/watch?v=VF51VMZJ918[/youtube]

Прес конференција,

Зоран Заев, претседател на СДСМ

Скопје, 26.03.2015

Почитувани граѓани, почитувани претставници на медиумите,

Ветивме дека целата вистина за злосторството што е правено врз нашиот народ и на нашата земја, ќе ја дознаат сите. Тоа го докажавме досега и продолжуваме да го докажуваме.

Денеска, на домашната и на меѓународната јавност им е повеќе од јасно дека во Македонија нема слобода и демократија, дека европските вредности целосно се уништени.

Досега, меѓу другото покажавме колку бил нечесен Никола Груевски кога се работело за неговиот личен интерес. Купувал огромни, атрактивни парцели на Водно, вредни милиони евра и се криел позади оф шор компании формирани за негови потреби.

Со тоа што денеска ќе го слушнете и видите ќе сфатите дека парцелите и оф шор компаниите се само мал доказ за нечесноста на Никола Груевски, но и за неговите мегаломански апетити.

Денеска ќе бидеме сведоци на суровата и горчлива вистина којашто ќе потврди дека сиве овие години, Груевски, под чија наредба се казнуваа и затвораа граѓани на секој чекор во име на правдата и законите, е всушност оној за кој не постои ниту закон, ниту Устав, ниту совест.

Денеска сите ќе бидеме сведоци како Груевски договарал проценти и провизии во милиони евра, како правел незаконски упади во тендерски постапки, фаворизирал и местел фирми да добијат тендери, бесчувствително местел и луѓе да кршат закони, за негови сопствени цели и интереси – како украл милиони евра народни пари преку тендерите за железницата и автопатите!

Првиот разговор што ќе го слушнете на денешната прес конференција е помеѓу Никола Груевски и директорот на РЕК Битола, Владо Чинговски. Од овој разговор ќе слушнете како лично Груевски мести тендер што треба да го добие еден од сопствениците на телевизиите кои му помагаат во актерството со коешто се одржува на власт – сопственикот на Сител телевизија, Горан Ивановски. Па Груевски и Чинговски договараат помош, за “кратовчанецот“, да направи “конзорциум“ и “сите да се задоволни“. Станува збор за местење тендер за ископ на јаглен во Битола, што треба да го добие сопственикот на Сител, затоа што, како што вели Груевски, “кратовчанецот знаеш зошто ни е многу битен“.

Во првиот разговор ќе видите и зошто еден од поголемите бизнисмени во државата постојано дава изјава по медиумите зборувајќи “колку е добра“ економската состојба во Македонија. Тоа е бизнисменот Сеат Кочан, кој, според наши информации е многу добар пријател на Груевски и еден од оние, со кои, според кажувањата на Груевски, имаат одлична соработка.

Еве го тој разговор.

(снимка 1)

Лицето КБ е Кирил Божиновски, генерален секретар на Владата и партијата ВМРО-ДПМНЕ. Да не се мачите.

Следните два разговора откриваат како Груевски го подготвува амбиентот за местење на тендерот за пругата Куманово – Бељаковце, како за фирмите зборува во шифри со првите букви од земјите од коишто доаѓаат: Германија, Чешка, Грција и Австрија. Ќе слушнете како Никола Груевски, лично, во фаза на разгледување на документацијата, има намера “да стапи во контакт со некоја“ па сака да биде сигурен на која, како што вели, “може да и се среди“.

Слушнете.

(снимки 2,3)

Следните два разговора ќе покажат многу јасно на каква мака се соработниците на Никола Груевски, па дури и кога се работи за послушник и извршител како што е Миле Јанакиески.

Слушнете какви притисоци прави Груевски врз Јанакиески, противзаконски да потпише документ за промена на фасадите на ЕВН и на Сити Галери во барокни фасади. До каде оди суровоста на Груевски покажува настојувањето на Груевски кон Јанакиески, убедувајќи го дека нема да биде тој што ќе бил вовлечен во криминал, дека “таа“ од општина Центар ќе ја имала одлучувачката улога, ама од неа, сепак, да сокријат дека тоа што го прави не е законски.

Еве ги тие разговори.

(снимки 4,5)

Ова што го слушнавте е незаконски и згрозувачки.

Но следните неколку разговори, почитувани граѓани, ќе го отворат пред јавноста еден од најголемите финансиско – корупциски скандали, каков што не познава нашата земја, па и поширокиот регион.

Најавата за тоа што следува ќе ја почнам со потсетување на разговорот помеѓу Ставрески и Јанкулоска, во којшто Ставрески реагира за договорот со Кинезите за изградба на автопатите Миладиновци – Штип и Кичево – Охрид.

Еве го тој дел од разговорот.

(снимка 6)

За овој огромен финансиски проект вреден точно 580 милиони евра не постои тендер туку одлуката е донесена со донесување на Законот во Собранието на Република Македонија. Во вакви околности, кога веќе нема тендер и може да се договори најслободно во четири очи со фирмата изведувач на проектите, тогаш на потег доаѓа Груевски. Откако веќе ја договорил изградбата на автопатот Миладиновци – Штип со истата фирма, за 206 милиони евра – пари што се кредит и треба да ги враќа нашиот народ, односно секој од вас, од нас, поединечно, почитувани граѓани, Никола Груевски влегува во акција со таа фирма да го договори и автопатот Кичево – Охрид.

Иако проценката на Агенцијата за патишта е 270 милиони евра за автопатот Кичево – Охрид, сепак по налог и директива на Груевски, министерот Миле Јанакиески, вице премиерот Владимир Пешевски и генералниот секретар на Владата, Кирил Божиновски, се договараат за изведба на автопатот Кичево – Охрид, во вредност од 373 милиони евра. 103 милиони евра повеќе од проценката на Агенцијата за патишта на Република Македонија!

Но, тоа не е единствениот успешен потфат на Груевски во овој проект. Груевски успева да договори повторно да биде избрана истата фирма, којашто веќе е договорена за изградба на автопатот Миладиновци – Штип, и тоа, како што вели самиот тој “на ист начин и под исти услови“.

Условите се 5 проценти од проектот или помеѓу 15 и 18 милиони евра провизија и тоа само од автопатот Кичево – Охрид, а од двата автопата заедно, нели “на ист начин и под исти услови“ како што самиот Груевски вели во разговорите, вкупно, повеќе од 25 милиони евра!

Следуваат разговори што покажуваат како се прават подготовки, планови, преговори со Кинезите, коишто траат до доцна во ноќите, а преговарачите Груевски и соработниците се прилично упорни во преговорите, но и “успешни“ кога се работи за нивните лични интереси.

Еве ги разговорите – доказ за еден огромен грабеж во Македонија.

Следуваат 11 разговори.

(снимки 7,8,9,10,11,12,13,14,15,16,17)

Како што можевте да слушнете на крајот, само со едната фирма, на најнечесен начин го договараат добро подготвениот план, за сето тоа, во финалето, да го верификуваат со донесување на Закон во Собранието на Република Македонија, за реализација на двата автопата, со фирмата којашто стои во документите.

Еве го Законот што Собранието на Република Македонија го донесе на 25 октомври 2013 година, во којшто се потврдува изборот на оваа фирма и двата договора, во вредност од 206 милиони евра за автопатот Миладиновци – Штип и 373 милиони евра за автопатот Кичево – Охрид.

За крај, на оваа прес конференција ќе објавиме еден разговор на Миле Јанакиески со сопругата, во којшто, напоменуваме, нема никаква лична природа, но многу директно покажува  во што може човек да се претвори, кога е доследен извршител и реализатор на валканите планови на Груевски, посветен денови и ноќи на реализација на мегаломанските и забегани цели на Никола Груевски.

Слушнете го овој последен разговор за денеска.

(снимка 18)

Зарем треба уште докази за да сфатиме сите каков глумец ни ја води државата цели 9 години? Што уште треба да објавиме за да сфатиме што всушност се крие зад “ликот и делото“ на Никола Груевски?!

Со сопствениот глас, преку своите телефонски разговори, Никола Груевски покажа на сите кое е неговото вистинско лице.

Затоа тој е исплашен.

Исплашен е и од себе и од своите. Исплашен е и од народот.

И треба да биде исплашен. Готово е!

Никола Груевски, сеуште имаш шанса сам да заминеш и да ја ослободиш Македонија од маките.

Поддржувачи на ВМРО-ДПМНЕ, зарем треба да продолжите да поддржувате вакви луѓе?

Почитувани граѓани,

Беше јасно и пред објавувањето на Вистината за Македонија што и се случува на нашата земја. Со овој процес тоа се потврди.

Да не дозволиме ова повеќе никогаш да се повтори!

Ова сеуште е само дел од доказите за Вистината за Македонија.

Продолжуваме…

ТРАНСКРИПТИ:

 

  1. Разговор помеѓу Влатко Чингоски и Никола Груевски

 

НГ: Здраво, како си?

ВЧ: Добар, добар сум Претседателе, како сте Вие?

НГ: Тука си или на одмор си?

ВЧ: Тука сум, тука сум, на работа сум, баш еве нешто работам.

НГ: Вчера се видов со кратовчанецот.

ВЧ: Со…?

НГ: Со кратовчанецот, од Кратово.

ВЧ: Кратовчанецот!? Ааа, да, да, да, добро, добро. Јасно ми е.

НГ: Се видел и со тебе.

ВЧ: Да беше кај мене, разговараме, му дадов некои идеи.

НГ: Се видовте и со оној…

ВЧ: Од Битола така?

НГ: …што има кола Сеат Ибица, знаеш? Сеат, Сеат Ибица….

ВЧ: А да, добро, добро.

НГ: Се видов, и двајцата….

ВЧ: Ало…

НГ: …да им помогнеш некако…

ВЧ: Па еве денеска…

НГ: Они ги вртат…они кажуваат дека најверојатно оној Страшо и тој битолчанецот дека ќе бидат…

ВЧ: Да, за тоа, да. Таму сигурно ќе се пријават, ама му реков јас дека може он слободно да се јави, да направи некои конзорциум и да се јави.

НГ: Најбоље е ти тоа да го организираш, да е предвидливо. Они се вака збунети…

ВЧ: Така.

НГ: Не знаат што да прават. Мислам дека треба со нив да се видиш и да ја организираш работата и да се сите задоволни.

ВЧ: Аха. А овој од Берово дојде?

НГ: Оти кратовчанецот знаеш зошто ни е многу битен?

ВЧ: Да, да јасно ми е тоа.

НГ: И тука нема ова или она, друго.

ВЧ: Така. Мене ми јави дека овој…

НГ: Ти тоа го…иде даље, така? Ради тоа…

ВЧ: Така, така.

НГ: Со него немаме друг муабет.

ВЧ: Така, така. Страшо дошол?

НГ: Овој другиот исто имаме одлична соработка со него и не е добро да го исфрлиме сега.

ВЧ: Добро.

НГ: Овој со колата што е.

ВЧ: Така, така, да. Ммм, што сакав да Ве прашам!? Овој бил, Страшо бил кај Вас, исто ми кажаа.

НГ:  Не, лаже.

ВЧ: Лаже!?

НГ: Да.

ВЧ: Еее, добро, добро. Добро, јас ќе го викнам уште еднаш Горан, ќе поразговараме малку да видиме што…

НГ: Тука кај, кај овој…КБ.

ВЧ: Добро.

НГ: Кај КБ.

ВЧ: Добро. Ало? Ало? Ало?

НГ: Дали ме слушаш?

ВЧ: Не ништо не ве слушам.

НГ: Ја те слушам добро, не знам што е работата.

ВЧ: Јас не Ве слушам последното нешто беше кај КБ нешто и повеќе не Ве чув.

НГ: Па, најверојатно кај КБ бил. Знаеш кој е КБ, така?

ВЧ: А да, добро.

НГ: Претпоставувам, чим вика дека бил…

ВЧ: Аха…

НГ: Претпоставувам дека бил кај него, а кажува дека бил кај мене.

ВЧ: А добро, зошто јас…

НГ: Ама нема везе, ние…ја немам ништо против бего, нека си биде и он таму, ама…и овие нека влезат во игра, да се задоволни сите.

ВЧ: Да, ама тешко е. На тоа место таму не е ископ на јаловина, него е јаглен испорака. И таму не можат две различни да бидат, мора една да биде конзорциум некој поздрав. Јас разговорав со Горан му објаснив сетоа тоа, и затоа му дадов некое решение да се вклучи со некого, да направи еден подобар така тим. И тој ми вика да ми помогниш. Јас зборев со пријателот на тој од Берово. Он вика а бе како да го тргнам сега него да се вклучам со овој? Му викам ти ако сакаш да добиеш работа, ти кажувам како да добиеш, многу едноставно. Така да ќе треба да седнам малку…

НГ: Не знам, ја не сум во тек…види, ќе му кажам и на КБ да се чуе со тебе и да се изорганизирате.

ВЧ: Добро, може така…

НГ: Поздрав.

ВЧ: КБ денеска се чувме, отишол на одмор. Вие планирате да се видиме, имам неколку други работи што треба да поразговараме малку…

НГ: Кој отишол, КБ?

ВЧ: КБ рече од утре не е тука.

НГ: Е па вечер видете се, сега попладнево.

ВЧ: Е па , да поразговарам со него, да се видиме. Јас сега пред 10 минути зборев со него…

НГ: Сега ќе му се јавам јас, ќе го упатам да се видите вечер.

ВЧ: Е важи, важи. Нека помине од кај мене или ќе поминам јас, било како.

НГ: Важи, договорено.

ВЧ: Е така.

НГ: Поздрав.

ВЧ: Ајде, поздрав.

 

  1. Разговор помеѓу Миле Јанакиески и Никола Груевски

 

НГ: Миле?

МЈ: Молам?

НГ: Што правиш?

МЈ: Добар.

НГ: Ти ми даде едно ливче таму за железницата ли беше тоа?

МЈ: Да.

НГ: Да не ти е кај тебе, тоа да ми го пратиш? Па го забораив на работа.

МЈ: Не e. Можам да организирам да Ви пратам. Дома сте?

НГ: Дај му го…нека му го дадат на…на некој од моиве, на Урко, ама у затворено плико и да ми го донесе.

МЈ: Важи, готово.

НГ: Ајде.

 

  1. Разговор помеѓу Миле Јанакиески и Никола Груевски

 

МЈ: Ало.

НГ: Миле, го гледам ова што ми го прати. Значи првите се од Г, така?

МЈ: Да.

НГ: Вторите се од Ч…

МЈ: Да.

НГ: Третите се од Г, оваа доле Г

МЈ: Да, да, да.

НГ: И четвртите се од А?

МЈ: Да. Тие четири генерално можат.

НГ: Така. А може ли тука, мора ли првиот или може некој унатре што е, од било кој од четирите?

МЈ: Првиот има на четири ставки дампинг цена, и сега тоа треба да се провери. Мислам дека има финта направено.

НГ: Што значи дека може и на вториот да се иде, така?

МЈ: Па, да. Затоа реков да се видиме за…така.

НГ: Добро, ја вака првично да ми укажеш да знам у кој правец да се размислува.

МЈ: Само треба што е можно поскоро, да не дојдеме „5 до 12“.

НГ: Аха. Добро.

МЈ: Јасна е ситуацијата, тоа Ви го направив на кратко многу за да Ви е јасно. Инаку цел рерпот има вака.

НГ: Значи сигурен си за овој првиот дека има некои проблеми, така?

МЈ: Да, да, сигурен.

НГ: Значи може вториот евентуално, а третиот и четвриот нема шанса, така?

МЈ: Па уште…

НГ: Да не…А ?

МЈ: Па уште не е гледана уште техничката добро.

НГ: А за вториот гледана ли е?

МЈ: Не, од никој не е гледана. Значи, прегледани се, ама не е до крај. За сите има побарано дополнителни. Така да…

НГ: У суштина може, у меѓувреме ако се стапи со некој у контакт, може после да испадне дека не може да му се среди, само јаде трици у меѓувреме.

МЈ: Генерално, првите два.

НГ: Значи многу е лошо со некој да се збори…

МЈ: Да, да, знам.

НГ:…и после да му речеш: еј, убаво што си зборевме ние, ама ти таму имаш некои фалинки, не може. И после, е тогаш он ќе јаде трици.

МЈ: Првите два, генерално, така.

НГ: Добро, океј.

МЈ: Пријатно.

НГ: А четвртиот, не може?

МЈ: Да, малку да…

НГ: Тој од А.

МЈ: Да отворам малку, да Ви кажам, вака не можам.

НГ: Отвори, па кажи ми, да, да не се лута, знаеш.

МЈ: Важи, важи.

НГ: Ајде, чао.

 

  1. Разговор помеѓу Миле Јанакиески и Никола Груевски

 

НГ: Миле?

МЈ: Молам?

НГ: А бе дај, ако може да го завршиме ова за фасадата на ЕВН и на Сити Галери, како техничка грешка.

МЈ: Ама Претседателе не може. Бара проширување на маркица, значи по ниеден закон, во ниедна регулатива го нема. Значи бара проширување на маркица.

НГ: Од општина Центар му рекле, ако даете вие таму комисијата дека…

МЈ: Ама нема комисијата…

НГ: … е техничка грешка, они ќе го прифатат, и за двете.

МЈ: Ама глупости е тоа. Значи надвор од…проширување на маркица, буквално бара овај.

НГ: Ама вие ја предлагате, така?

МЈ: Ама тоа е промена на ДУП. Како таква техничка грешка, нема таква….

НГ: Еве таа што е за урбанизам во Центар сега, рекла нема проблем, дајте ми и ќе го средам.

МЈ: А што да му даеме ние, не знам што да му дадеме?

НГ: Што да му дадат Миле, овај Коце, они?

Коце: Видете, можете…

НГ: Ама што, што да му дадат, писмо?

Коце: Мислење.

НГ: Мислење.

МЈ: Какво мислење да дадеме?

НГ: Мислење. Дека мислите дека може така.

МЈ: Ама нема Претседателе, законска можност нема. Значи, проширување на маркица. Тоа е исто како да менуваме план со мислење.

НГ: Ама мислам дека кај вас нема одговорност. Вие само мислење дадете. Одговорноста е кај тој што ќе го прифати мислењето.

МЈ: Ама не може мислење, Претседателе…значи не знам како да Ви објаснам. И на Коце, три пати состаноци имавме. Значи…

НГ: Коце ќе побара од вас мислење, он ќе го предложи и ќе ви побара мислење. И вие да дадете во мислењето, и тоа може да се толкува дека…инвеститорот ќе побара, да.

МЈ: Ама Претседателе, врз база на…на…на план треба да даде извод. Значи, планот што е поминат во општината Центар е на пример да кажеме со габарит од 200 м². Тој бара со 220 или 250…

НГ: А бе Миле, ова што ти го викаш они треба да го кажат, они треба да потпишат на крај, така? Мислењево е гола вода. Никаква одговорност нема некој за мислење што дал.

МЈ: Не знам какво мислење. Нека каже Коце какво мислење да му дадеме, не знам.

НГ: Вика да каже Коце какво мислење…

МЈ: Ја ќе дадам мислење.

НГ: Дека може да се третира како техничка грешка.

МЈ: Ќе кажам ајде, еве јас ќе го потпишам, на лична одговорност.

НГ: Во понеделник Коце ќе ја донесе неа на состанок, ама ти ако тргнеш вака, со ваков негативен став, џабе ќе ја донесе.

МЈ: Не, ама јас ќе си ќутам на состанок. Ќе кажам како мислиш, така, оти знам ја како да се понашам.

НГ: Да де да. Ти да гледаш да биде некаква работа сега, не да не биде.

МЈ: Океј, ајде.

НГ: Ако може така да го решиме и ако таа ветува дека вака ќе се реши и готово.

МЈ: Океј, нека кажат какво мислење бараат.

НГ: Оти мислење е мислење, да бе ја така мислам. Ти не мораш да споредиш ако јас така мислам, така?

МЈ: Океј, ајде.

НГ: Ти не си Собрание, па да даде автентично толкување. Ти даваш твое мислење. Твоето мислење може да биде вакво-онакво, погрешно-правилно, ама ете така си мислел ти.

МЈ: Добро.

НГ: А она нека си цени дали е тоа законски или не е законски.

МЈ: Ајде нека напише какво мислење

НГ: Само ти не и го кажувај ова на неа. Ако и го кажеш вака, она ќе се исплаши, ќе рече – ааа, штом е така, ја да не испаднам крива и нема да…ќе се повлече.

МЈ: Океј.

НГ: Мене ми е следно, вие немате вина, вие давате мислење. Утре ако се покрене постапка некоја, ќе речеш – добро, ние така мислевме, ако било незаконски они не морале да го направат, ние не сме Собрание па да го…законот да го толкуваме. Ние даваме наше мислење, нашето мислење беше вака. Е сега прашајте си ја женава зошто го направила тоа понатаму така. Не морала да го послуша мислењето.

МЈ: Океј.

НГ: Не е обврзувачко вашето мислење.

МЈ: Добро, ама озбилно не знам што ќе направиме. Океј, ќе дадам мислење, не е проблем, јас ќе го потпишам лично.

НГ: Важи, важи, важи, ајде.

МЈ: Ајде.

 

  1. Разговор помеѓу Миле Јанакиески и Никола Груевски

 

НГ: Миле?

МЈ: Молам.

НГ: Не требало ти да дадеш мислење, комисијата кај тебе.

МЈ: Која комисија, Претседателе?

НГ: Која комисија Коце?… Жалба некоја таму…

МЈ: Ама, хм…тоа е второстепена постапка, значи тоа се води кога ќе има управен акт, не е ….

НГ: Тоа е вика второстепена, се води кога ќе има управен акт. У понеделник расчистете, ама ако најдете некоја таква финта да може, и таа ако се нафаќа…

МЈ: Не е проблем, ќе дадам мислење, Ви кажав.

НГ: …од општина Центар ако се нафати да потпише, кој и да го даде мислењето нема…нема одговорност.

МЈ: Не, не океј е.

НГ:…кривична одговорност, затоа што е обично мислење.

МЈ: Се договоривме, кога ќе Ви ветам, не е проблем, ќе го направам тоа. Ама…

НГ: Ама нејќам да мислиш дека те втурнувам во криминал ти да направиш…

МЈ: Не, не, не јасно ми е тоа мене, јасно ми е …

НГ: Ни на сон не би те терал да потпишеш нешто, утре да идеш во затвор за тоа.

МЈ: Не, не, немам дилеми.

НГ: Мислам дека за мислење неможе некој во затвор да иде за мислење.

МЈ: Претседателе, не е проблем. Значи, Ви реков, како сака Коце, јас лично ќе го потпишам. Како сакаат нека го направат јас ќе го потпишам.

НГ: Ајде.

 

 

  1. Разговор помеѓу Гордана Јанкулоска и Зоран Ставрески

 

ЗС: Да ти кажам ноќеска каква порака добив ми се смачи што ми идеше да му грабнам телефон да му ја скршам главата.

ГЈ: Ја ти викам…

ЗС: Не тера да напраиме незаконско нешто. Не ја, Миле и Владо треба да потпишат со тие Кинезите и нејќат луѓето да потпишат. И во право се што нејќат.

ГЈ: Да де де.

ЗС: Е сега место со нив тоа да го расправа, сега они и да го јаваат, јас сум месинџерот, мене ми се јавува, ова зошто е вака зашто е така, не е потпишано. Му  објаснувам зашто не е, и му пишувам во пораката и мислам дека се во право луѓето. И ми враќа порака јаките експерти, јаките правни експерти Миле и Владо, а и ти како искусен правник сте дошле до заклучок дека е, и нешто ми дрнда таму.

ГЈ: Глупости. Па тој што вика дека е ок, нека го потпише.

ЗС: И да не сме во право, пази, и да не сме у право, начин ли е тоа бе со тројца твои соработници?

ГЈ: Да де. Ама и не само тоа, ако некој некомотно се чувствува, значи има нешто.

ЗС: Така е. Пак е да речам забегана порака. Онака, човек што изгубил контакт со реалноста. Не е во ред, не можеш да вреѓаш така.

ГЈ: Да бе да, мислам на крајот.

ЗС: Ако не сум јас искусен правник, шест години работам со проблематика, знам да проценам

ГС: Ама независно…

ЗС: Што треба да потпишат знаеш? Договор со кинеска компанија што ќе ги гради патиштава без тендер. Тоа треба луѓево да потпишат.

ГЈ: Па не може така.

 

  1. Разговор помеѓу Миле Јанакиески и Никола Груевски

 

НГ: Миле здраво.

МЈ: Повелете, возев, затоа не сум Ви се јавил.

НГ: Што праиш?

МЈ: Возев, возев.

НГ: Ааа возеше.

МЈ: Кажете.

НГ: Кажи ми сега за овие жутиве, каква е динамиката? Кога они доаѓаат, кога поднесуваат и кога се преговорите?

МЈ: Значи, на 29-ти во 10 им е кажано, може да го пролонгираме. Начелно тогаш им е кажано дека треба да достават понуда.

НГ: Да не го пролонгираме, а? Кога ја морам последен, кога ми е заден рок да ти кажам овие работи што ми бараше, пошто сум у гужви, не сум се свртел да ти кажам.

МЈ: Па добро е понеделник од сабајле, за да му кажеме, за да имаат барем еден ден-два да го вградат тоа.

НГ: Две…двете ќе дојдат тогаш тука?

МЈ: Двете, двете, во исто време.

НГ: Двете. Таа втората како се викаше?

МЈ: Едната е Synohydro Corporation Limited, другата е CWE, China International Water and Electric Corporation.

НГ: CWE.

МЈ: Да.

НГ: C – W – E, така?

МЈ: Да.

НГ: Да, сега се сетив, така беше, да. Ааа, они даваат понуда у 10. После што следува? Одма истиот ден се преговорите?

МЈ: Не, минатиот пат беше, ние 2-3 дена ги разгледувавме и потоа почнавме со нив да зборуваме.

НГ: А они седат, чекаат тука.

МЈ: Па да.

НГ: Добро.

МЈ: Тука се тие, едните се во Скопје, другите се во Белград. Постојано мислам…

НГ: За сега, за сега не им одлагај. Ако стигнам до утре стигнам, ако не па ќе им одложиш за еден ден.
МЈ: Важи.

НГ: Пошто сум у јака гужва.

МЈ: Важи, важи.

НГ: Океј. Ајде.

МЈ: Поздрав, чао.

НГ: Ајде, чао.

 

  1. Разговор помеѓу Миле Јанакиески и Никола Груевски

 

НГ: Ало.

МЈ: Да.

НГ: Миле.

МЈ: Молам.

НГ: Овие Синоходро кога доставуваа претходниот пат…

МЈ: Добро.

НГ: Тоа што го доставија, после тоа го намалувавме у преговори или како беше?

МЈ: Де факто се испостави дека неколку ставки немаат. Ние го намалувавме, ама тоа што го намалувавме потоа се испостави дека некои ставки тие ги направиле превид и го зголеми…на крајот завршивме со некоја иста сума.

НГ: Ама немаме обврска тоа што ќе ни го донесат писмено и што ќе го отвориме, тоа да биде конечно. Можеме после да преговараме и да намалуваме, така?

МЈ: Да, да. Така правевме минатиот пат.

НГ: Значи они даваат писмено, ние ги отвараме и почнуваме да преговараме.

МЈ: Да. По ставки. Значи направивме споредба, не знам едната компанија-другата компанија-коридорот 10 цени и после еден тендер што го имала Агенцијата за државни патишта, тоа е Струмица-Радовиш и плус Коридорот 10, реконструкцијата. Така да имавме и ставки од последни неколку проекти, за да видиме до кај сме. И ставка по ставка де факто се одеше. Затоа викам мора некои постручни да го гледаат. И тие работеа 2-3 дена, ни дадоа извештај и врз база на тоа ние водевме преговори.

НГ: Океј. Ние се фокусиравме само на едната, на поефтината фактички.

МЈ: Не, двете. На двете работевме, паралелно.

НГ: Аха. Добро, океј, ајде чао.

 

 

  1. Разговор помеѓу Миле Јанакиески и соговорник 1

 

Соговорник 1: Ало

МЈ: Согласно проектот…

Соговорник 1: Да?

МЈ: Колку е вашата финална цена?

Соговорник 1: Согласно…за Кичево-Охрид збориме, така?

МЈ: Да.

Соговорник 1: Сега да видиме, сега министре да видиме. Охо. Само секунда. Согласно проектот како што гледам јас, проценка цени е…беше…вака сега, пошто проектот е правен…200…околу 193 милиони, значи збориме евра. 193 милиони евра е по проектот. Меѓутоа поради тоа што се правени проектите од 2002 до 2009, ние удривме некаков коефициент на корекција, да речеме зголемување на цените внатре што се и излегоа негде 267 милиона, некоја ориентација.

МЈ: 267 милиони евра, така?

Соговорник 1: Да, ориентација. Сега министре, ако има нешто случајно испуштено некој премер. Значи сега пак ги проверував предметите, значи овој што е ЗИМ што ги правел се катастрофа. Еве, значи пробавме да ги средиме, утре ќе ни достават, ни кажаа, ни ветија дека ќе ни достават средено све до крај. Ама мислам дека е тука негде се движи, 270 до 280 милиона.

МЈ: 270 милиона, така?

Соговорник 1: Да.

 

  1. Разговор помеѓу Миле Јанакиески и соговорник 1

 

Соговорник 1: Да, ало. Ало?

МЈ: Ало.

Соговорник 1: Да?

МЈ: Дали во овие 270 ги имаш тие 12-те моста, што дополнително ги доставивте после на компаниите?

Соговорник 1: Да, да, да. Овде има, јас како што гледам има 30 објекта, 30 виадукта има.

МЈ: Значи све е ставено и по тебе е 270 милиони, така?

Соговорник 1: Така, да, околу, сега министре, може ќе Ве излажам за 10-тина милиони, меѓутоа тоа е тоа, сега јас, ете толку е. Значи, објекти преку 150 метри има овде 30 објекта, значи трисет и…еве сега овде Ви го пуштив сега на мејл…

МЈ: Луис Берже, на Луис Берже колку беше во онаквото, во проценката?

Соговорник 1: Оф, сега ајде да проверам сега…Луис Берже. Тука имам…

МЈ: А што ми пушти, што ми пушти на мејл?

Соговорник 1: Сега Ви пуштив, Владо ми бараше за сите делници проектанските цени да ги извадиме. Значи…

МЈ: На мејл ми пушти проектански цени.

Соговорник 1: Да, да, да сега го пуштив пред две минути.

МЈ: А ова, а ап, а тотал, проект ап, што ти е ова ап?

Соговорник 1: УП, јунит прајз, а..тоа е а-у-п, јунит прајз, па а тотал.

МЈ: А тие компанија А ?

Соговорник 1: Да де да, ја не ги знам компаниите, така. Компанија А, компанија Бе.

МЈ: Добро, ајде.

Соговорник 1: Ајде.

 

11.Разговор помеѓу Миле Јанакиески и Никола Груевски

 

НГ: Миле што правиш?

МЈ: Добро, кај Кире сме на гости.

НГ: Кај кого?

МЈ: Кај Кире, Кире.

НГ:  А така. За ова ти колку предлагаш?

МЈ: 5 на целото.

НГ:  Што 5 на целото?

МЈ: 5%.

НГ: Не, не у точен износ колку?

МЈ: Па сега зависи колку ќе биде, помеѓу 15 и 18.

НГ: Ти како, како процент збореше таму или како бројка точна?

МЈ: Па…тие го спомнаа тоа, и генерално си е океј вака тоа. 5 на тоа што ќе помине. Тоа зависи од понудата, ама помеѓу 15 и 18 би се движело, согласно некои проекции колку би понудиле.

НГ: Ќе ти прифатат толку?

МЈ: Ако му кажиме ќе прифатат, да, не е тоа ништо. И на другото е толку.

НГ:  Да не е многу бе, а? Да не се претера, претера новинарството.

МЈ: Еве ја одев по некоја аналогија од претходното, и…и тие спомнаа во една прилика така. А, три е… три е онака коректно.

НГ: Мхм. Пробај со 15 да видиме како ќе ти реагираат, па ајде, јави се.

МЈ: Океј.

НГ:  Ајде.

 

  1. Разговор помеѓу Миле Јанакиески и Владимир Пешевски

 

ВП: Да.

МЈ: Владо.

ВП: Е.

МЈ: Не знам дали ти се јави шефов, на мене ми се јави.

ВП: Добро.

МЈ: И вика, да ги викниме. Двеве компании.

ВП: Ааа…овој што барал Кинезов тука?

МЈ: Не знам Владо, го видов, ја мислев дека е со тебе.

ВП: Кај, кај седеше?

МЈ: А? Па јас чекав кај Кире пред врата и тој излета од…од ова…како се вика…билатерална, од таа врата излезе.

ВП: Е па тогаш бил кај шефот.

МЈ: Не знам кај бил. Можда бил таму.

ВП: Ти кај си сега?

МЈ: Кај Кире. Ти кај си?

ВП: Ја у канцеларија.

МЈ: Ај че дојдиме кај тебе за две минути.

ВП: Ајде.

 

 

13.Разговор помеѓу Миле Јанакиески и Никола Груевски

 

НГ: Ало.

МЈ: Молам.

НГ: Кире ми се јави.

МЈ: Да се видиме на две минути.

НГ: У гужва сум. Главното прашање било дали двете или едната. Така?

МЈ: Да, и дали пред или после? Имавме некои дилеми тука со Владо и со Кире.

НГ: Види, не можеш после. Минатиот пат како беше? Пред беше?

МЈ: Послем. Ај две минути само, а?

НГ: Не можам, у гужви сум. Народ ме чека, каснам два саата, со Србиве каснам. Ааа, ја мислам на двете, оти ќе дојде до дисбаланс. Едната ќе даде повисоко, другата пониско и у суштина крај ќе…ќе се зезне работата, сфаќаш.

МЈ: Добро.

НГ: Таа што не си и кажал, може да искочи поподобна. Шо ќе правиш после?

МЈ: Вториот концепт беше да видиме колку му се разликите, ако се големи да не се двете, случајно утре да одат на други места и така. Таа дилема.

НГ: Што ако таа што си зборел стави и искочи со полош резултат?

МЈ: Не ама…

НГ: Што ќе правиш после?

МЈ: Ако видиме ќе знаеме колку е разликата. Може да биде разликата многу поголема од тоа. Од тој апсект.

НГ: Види со едниот, со тој го имате веќе муабетот праено така?

МЈ: Да, да со еден да.

НГ: Таму можеш да збориш?

МЈ: Да.

НГ: Тебе ти е сега дали и со другиот?

МЈ: Да. И Владо ја наметна таа тема.

НГ: Добро, ако е така и овој после го зезнеме, искочи послаб, како ќе ја завршиме работата?

МЈ: Не, идејата е ако одиме отпосле да се видат, ако се разликите над тоа да…не со двете. Оти перцепцијата е дека овие даваат пониска цена од другите.

НГ: Ама тоа прошлиот пат, сега може нема да искочи така. Не можеш да знаеш тоа.

МЈ: Така е. Не може никој да…

НГ: Ја мислам на двете. Само многу внимателно, на страна.

МЈ: Добро.

НГ: И така.

МЈ: Океј.

НГ:  По мене тоа е покоректно, да не се заплеткаме у мрежа од која што нема да може да се отплеткаме после.

МЈ: Добро, добро.

НГ: Друго прашање дали има?

МЈ: Тоа е.

НГ: Тоа е главното.

МЈ: Да.

НГ: Океј. Внимателно со одбрани зборови…

МЈ: Добро.

НГ: Да не може да те…ако те овакво,.

МЈ: Океј, океј.

НГ: Ако те има на нешто да не може да е јасно..знаеш. Само мене, се плашам некако многу ми се големи, тоа од минатиот пат и ова заедно, многу ми изгледаат…

 

14.Разговор помеѓу Миле Јанакиески и Никола Груевски

 

НГ: Што ме исклучи бе Миле?

МЈ: Исклучи, јас викав ало, ало не се слушаше.

НГ: А. Некако кога ќе го споредам тоа од прошлиот пат и ова сега, ми изгледа многу гадно и некако си викам да не не зезнат после нешто, што знам, а? Ваљда нема.

МЈ: Вака не би требало сега.

НГ: Добро.

МЈ: Океј.

НГ:  Збори па кажи ми. После секој нов момент јавувај ми.

МЈ: Важи.

НГ: Значи секој, и сега и во наредните денови. На секој нов момент јавувај ми се, да не направиме некоја глупост, као…као што имаше минатиот пат, волку-толку-онолку. Ајде.

МЈ: Добро. Чао.

НГ: Ајде.

 

  1. Разговор помеѓу Миле Јанакиески и Соговорник 2

 

Соговорник 2: Молам.

МЈ: Бојан?

Соговорник 2: Да кажете.

МЈ: Двете компании се во Македонија?

Соговорник 2: Двете, да. Едните си се тука, другите дојдоа само за овие 2-3 дена и си се враќаат назад во Кина. Така ми кажаа.

МЈ: Ај кажи му едните нека дојдат во 8, другите во 8.30 кај Владо.

Соговорник 2: Утре од сабајле?

МЈ: Не, вечерва.

Соговорник 2: Ама без понуди, така?

МЈ: Да, без.

Соговорник 2: Добро. Ајде сега ќе им кажам.

МЈ: Океј, нека дојдат.

Соговорник 2: Важи.

 

  1. Разговор помеѓу Миле Јанакиески и Никола Груевски

 

НГ: Миле, поразмислив вака. Можда боље е попретпазливо ова што викаше ти. Ало?

МЈ: Да, да ве слушам.

НГ: Можда подобро, попретпазливо. Кажи им вечерва ти на овие со кои што минатиот пат се заврши, со нив нели го имаш муабетот веќе.

МЈ: Добро.

НГ: Па после, ако они се послаби ќе ги гураме овие надоле другите, знаеш.

МЈ: Добро.

НГ: Ќе мора другите после да им викаме спуштајте, идете надоле, идете надоле, идете надоле, за да дојдат помалку од овие.

МЈ: Океј.

НГ: Добро е некако одма да не ги видат сите тие. Кога ќе достават мал број да ги видат, а не секој таму.

МЈ: Не, добро тоа го надминавме. Ќе ги достават кај Љупчо директно, а после ќе утврдуваме што-како. Владо мисли…

НГ: Ама зошто бе и Љупчо сеа, Љупчо…што, што Љупчо!?

МЈ: Кај нас може да ги остават.

НГ: Кај вас нека ги остават, ѕирни ги таму, кажи ни што е-како е, да видиме. Љупчо!?

МЈ: Владо мислеше да ги викнеме и да му покажеме на ливче, без дискусија, на двете.

НГ: Размислував сега вака, не на двете.

МЈ: Добро.

НГ: У право беше ти кога ми укажа прееска. Со едната да идеме, оваа што си ја знаеме, мислам како се вика, не ја знам, ти ја знаеш, не ми ја спомнуј сега.

МЈ: Да

НГ: Ааа, да ја играме таа игра како минатиот пат, а имаш право оваа другата ќе промрчи на тој тука што им е, нели имаат тука еден.

МЈ: Да.

НГ: Па тој ќе пише писма не знам каде, и така.

МЈ: Океј. Важи.

НГ: Ајде.

 

  1. Разговор помеѓу Миле Јанакиески и Соговорник 2

 

Соговорник 2: Министре, во 8 ќе дојдат Synohydro, CWE во 8.30 ќе бидат таму.

МЈ: Откажи му на CWE, само Synohydro нека биде.

Соговорник 2: Само Synohydro?

МЈ: Да.

Соговорник 2: Добро, океј.

МЈ: Речи им дополнително ќе ги бараме нив, ако треба нешто.

Соговорник 2: Добро, во ред.

МЈ: Ајде.

 

  1. Разговор помеѓу Миле Јанакиески и сопругата

 

Сопруга: Ало, да не си во близина или не?

МЈ: Мњмњмњмњм. Ало?

Сопруга: Да не си во близина или не, а?

МЈ: А?

Сопруга: У близина да не…

МЈ: Мњмњмњмњм. Хахахаха.

Сопруга: Леле бе. А што правите, кај сте?

МЈ: Почнавме кинески да зборуваме.

Сопруга: А бе ајде легнете си, не се глупирајте, што правите?

МЈ: Преговараме.

Сопруга: Уште?

МЈ: Тоа е.

Сопруга: 2 саат е навечер, што правите?

МЈ: Сања, мора да договориме, у 5 си одат. Што да ти кажам.

Сопруга: Што мора?

МЈ: Во 5 ќе си одат.

Сопруга: И што до 5 саат ќе си седите?

МЈ: Сања, ни планиравме, ние се консултираме, треба да платиме, кај шефот се враќаме назад, па тие напред, па тие ѕвонеа во Кина, па чекавме да се разбуди тој нивниот шеф, што да ти кажам. Сега се разбуди и така.

Сопруга: А сега зошто…само на еден ден беа дојдени тие?

МЈ: Не бе Сања, вчера виде кога си дојдов. Цела недела со нив се занимавам. Денеска е последно.

Сопруга: И утре кога ќе одиш жити се на работа, што ќе правиш?

МЈ: Ќе видиме отом-потом. Ајде се надевам…ајде

Сопруга: Ајде чао.

МЈ: Чао.