Денеска земјоделците од Македонија, претставувани преку здружението „Спас“, влегуваат во „Кампот на слободата“ и даваат целосна поддршка на опозицијата во опстојување до падот и до смената на Никола Груевски, изјави Николче Бошевски, претседател на Синдикатот на земјоделците денеска на прес-конференција пред Владата.
– Влегувањето во „Кампот на слободата“ го базираме на лагите и на лошата политика во секторот земјоделство. Со години оваа Влада кажува лаги, дека ќе почне со чистење на каналите, а секоја година Пелагонија е поплавена. Ветуваат дека ќе почнат инвестиции во наводнување, а на земјоделците не им даваат да ги користат и постоечките системи за наводнување. Пример за ова е Стрежево, оваа година има вода за наводнување во изобилство, а на земјоделците им се ускратува водата за наводнување – изјави Бошевски.
Тој вели дека во кампот ќе останат и поради сите злоупотреби на државното земјоделско земјиште. Поради „Сведмилк“, Субрата Рој и ниската откупна цена на млекото, градинарските производи, житото…
– Тука ќе бидеме и поради безбројните манипулации и неправилности направени врз земјоделците во Македонија – додаде Бошевски.
[youtube height=”500″ width=”600″]https://www.youtube.com/watch?v=1kzYq49yGlc[/youtube]
[youtube height=”500″ width=”600″]https://www.youtube.com/watch?v=uy8Mwmeir8g[/youtube]
