БРАВО, СИ ГО ОБЕЛИЈА ОБРАЗОТ: По 200 евра донираа 48 судии од Кривичниот суд, само пет судии одбиле да се приклучат

0
478

Од Кривичниот суд информираат дека 48 судии извршила донација во просек од по 12.000 денари од своите плати, а само пет судии не се приклучиле на оваа солидарна акција.

-Кривичниот суд, како што доликува на слоганот „Во името на граѓаните на РСМ“, од донациите на 48 судии, обезбеди 50 – тина плати , односно барем за еден месец спречи 50 – тина отпуштања на работници кои се најзасегнати од последиците поврзани со пандемијата од вирусот КОВИД – 19.

Коко никогаш досега, со исклучок на пет судии, судиите од Кривичниот суд покажаа единство, колегијалност, а воедно и чувство за солидарност, правичност и етичност со граѓаните, па имајќи ја предвид состојбата во која се наоѓа државата, донираа вкупно 575.320 денари или во просек по 12.000 денари од судија што е повеќе од 20% од судиската плата, велат од Кривичниот суд.

Оттаму ги повикуваат и другите граѓани кои имаат плата над 40.000 денари да донираат.

-Со овој гест како судии ги потикнуваме, охрабрувавме и повикуваме во стилот на „ice bucket challenge“ сите граѓани со примања над 40.000 денари како и сите други  функционери и фели, да го следат примерот на судската фела, да донираат вака значителен износ од сопствените примања и да покажат солидарност со оние кои на сопствен грб почуствуваа најголеми штети во овие тешки времиња, покажувајќи воедно грижа за нивното здравје и опстанокот на нивните семејства и секако подршка за сите здравствени работници кои се на првата борбена линија.

Имајќи предвид да примањата по разни основи (плати, додатоци, авторски права и сл.) на дел од адвокатите, нотарите, сопствениците и уредниците на медиумите, директорите и раководителите во банките, телекомуникациските оператори, ЕВН, претседателите и нивните соработници во синдикалните организации, сопственици на угоститлски објекти и обложувалници се повисоки од оние на судиите во Кривичниот суд, ги предизвикуваме да покажат доблест и солидарност, да донираат сразмерно со нивните примања, а потоа да повикаат и други граѓани да донираа со цел да им помегнеме на оние на кои им е најпотребно, се вели во соопштението на судот.

Пред неколку дена Уставниот суд ја укина владината уредба со која на судиите, но и останатите избрани и именувани функцинонери требаше да им се скратат платите за април и мај, а на сматка да им легне само минималецот од 14.500 денари.