АЈДЕЕЕЕЕЕЕЕ БАБЕЕЕЕЕЕЕЕЕЕ – – ВЕЛЕШАНЕЦ КОЈ 20 ГОДИНИ ЖИВЕЕ ВО КАНАДА КАДЕ ЗЕМА 5000 ДОЛАРИ ПЛАТА МЕСЕЧНО, ПРЕКУ ИНТЕРНЕТ ЌЕ ПРАВЕЛ БАРИКАДИ ВО ЗЕМЈАВА ЗА ДА ЈА СПАСИ ОД ЕУ И НАТО?!?!

0
676

Да го донесе некој овој гастербајтер во земјава и да проба да живее една година со 500 долари месечно колку што се просечните приходи на една фамилија наместо со 5000 долари месечно како што се живее во Канада и нека истера една година со потреби на деца, храна, сметки, облека, гориво, кредити, скромни патувања на одмор и ќе види дека е во тотална заблуда, ќе избега како куче кое се кине од јаже во планина… Лесно е од Канада, САД, Австралија и ЕУ да се држат лекции како да се бориме со клетиот запад и да им објавиме војна на сите соседи, ама дојди тука врати се и живеј го македонскиот крпен живот па тогаш повикувај на бојкоти, војни, блокади, анти западна реторика со празен стомак и скинати гаќи…

Велешанецот Боби Темелков, кој околу две децении живее во Канада, и беше иницијатор и еден од организаторите на протестите за ослободување на осудените за нападот во Собранието, најави блокади низ целата земја, на регионалните патишта. Тој бара доброволци кои ќе учествуваат во барикадите, и подготвил формулар за пријава за потенцијалните учесници.

Како што е наведено во формуларот, ќе се блокираат патишта и институции, со цел цел да се одбрани демократијата, јазикот и историјата.

-Блокираме се што ќе ја распродава Македонија, се што го уништува македонскиот народ! Доста е со немо гледање како пред наши очи продаваат се што не е нивно, се што не е наше, се што од дедовци сме во обврска да го оставиме на идните поколенија Македонци. Одбрани ја демократијата, одбрани го јазикот и историјата, ова е борба на Македонецот за Македонецот – пишува во онлајн апликацијата, на која можат да се пријават барикадистите.

Темелков е претседател на Светски Македонски Конгрес – Канада, и во минатото организираше низа на настани и банкети, на кои се собираа донации, за како што појаснуваше, одбрана на името. Исто така, во два наврати организираше акции за собирање на парични средства за семејствата на осудените за нападот во Собранието.

Така на пример, пред три години, беше дел од организацијата на коктел на кој се донираа средства за поддршка на кампањата за бојкот на референдумот за промена на името, и биле собрани дури 145.000 канадски долари. Тогаш информираа дека средствата им биле потребни на организациите за логистика, јавни настапи и протести.

-Борбата продолжува, можеби нема да победиме, но барем ќе остане запишано дека некои луѓе пробале да ги запрат сите погубни договори за раздавање на македонските национални интереси! Пријави се и биди дел од браникот на Македонија, пријави се за блокади за одбрана на Македонија – од Канада апелира на социјалните мрежи велешанецот.