Грција брза да ги изгради петте прифатни центри за бегалци на островите

0
1489

рчката влада почнува со спроведување на договорот за изградба на центри и на контролни пунктови за регистрација на бегалците. На состанокот во премиерската палата викендов, под раководство на Алексис Ципрас, беше договорено итно да се почне со градба и со отворање на центрите и на контролните точки за да се избегнат нови проблеми со Европската унија по негативните коментари од извештајот на Комисијата за начинот на кој земјата се справува со бегалската криза.

Ципрас на состанокот, на кој присустуваа министрите за одбрана, поморство, цивилна заштита, имиграциона политика и европски прашања, посочи дека веќе нема простор за доцнење со спроведување на договорените услови за подобро справување со бегалците што пристигнуваат во Грција и заминуват кон ЕУ за да бараат азил во земјите со подобри услови како Германија, Австрија и скандинавските земји.

На состанокот беше одлучено да се забрза работата за изградба на прифатни центри за бегалците на пет острови, и тоа на Самос, Лезбос, Хиос, Кос и на Лерос.

Ципрас бара центрите да се завршат и да бидат функционални за сместување на бегалците за две недели.

Договорено е и формирање на два центри за привремено сместување на мигрантите што треба да се релоцираат и да се вратат во земјите од кои доаѓаат доколку не се од Ирак, Сирија и од Авганистан, односно трите држави од кои ЕУ одлучи да прифаќа бегалци.

Овие центри се предвидува дека ќе бидат на просторот на неколку касарни во Атина и во Солун и ќе можат да сместат веднаш 500 луѓе, а потоа ќе се прошират да имаат капацитет до 4.000 луѓе.