Ја информираме јавноста дека официјално започна граѓанската акција со име АЈДЕ ДА СПАСИМЕ СУДБИНИ, која што ќе биде спроведена од Здружението ЗЕЛЕНА ЛУПА Скопје и Комитетот за заштина на правата. Акцијата е финансирана преку програмата Цивика Мобилитас, проект кој што е финансиран од Швајцарија.
Во рамките на оваа акција во канцелариите на Комитетот ќе се врши прием на семејствата на притворените лица, ќе се прибира документација поврзана со притворот. За анализа на документацијата и фактичката документација ќе биде формиран Стручен експертски совет кој што ќе даде свое стручно мислење за оправданоста на притворот. За предметите каде што очигледно е непотребен притворот, во координација со адвокатите и семејствата, во еден ден, во исти момент ќе бидат поднесени барања за замена на мерката со друга алтернативна мерка, во случаите каде што притворот е веќе непотребен. Јавно ги повикуваме семејствата на притворените лица, за кои што ценат дека притворот е излишен и целосно бесмислен да се обратат на телефонот 072 / 545 – 210 или во канцелариите на Комитетот на Ул. Битпазарска бр 60 на втори кат. Од страна на Стручниот експертски совет ќе бидат разгледани сите случаи, а за оние што ќе биде проценето дека притворот е непотребен, Комитетот ќе се заложи јавно за промена на мерката.
Со почит,
Центар за комуникации на Комитетот за заштита на правата
.gif)
.gif)
