ВМРО ДПМНЕ утре ќе поднесе барање до Собранието за распуштање на Парламентот и одржување на предвремени парламентарни избори, заедно со претседателските избори.
Ова било заклучено на седниците на Извршниот и на Централниот партиски комитет.
Претседателот на партијата Христијан Мицкоски кажа дека очекува од Заев веднаш да поднесе оставка и да се формира техничка Влада.
„Утре пратеничката група на ВМРО-ДПМНЕ ќе поднесе барање веднаш Зоран Заев да си поднесе оставка и да се фромира техничка влада и иницијатива за распуштање на предвремени парламентарни избори на исти трошок со претседателските избори. Следните неколку дена нека одлучи СДСМ па да видат граѓаните кои бара избори, а моли Бога да не ги добие – рече Мицкоски пред седиштето на ВМРО-ДПМНЕ.
Мицкоски кажа и дека ќе инсистира техничката Влада да се формира 100 дена пред изборите, како што пишувало во Законот и дека за ова прашање не бил подготвен на компромиси.