Жителите на скопско Арачиново, помогнати со механизација и логистика од СДСМ, денеска го чистеа каналот кој се наоѓа кај долната џамија во селото.
Во исто време се прави и атмосферска канализација со цевки набавени со средства од донација и од самите жители на селото.
Секојдневно сме со луѓето од поплавените села. Овие денови најмногу работиме и помагаме во Арачиново и тоа на барање на самите жители. Тие од претседателот на СДСМ, Зоран Заев побараа да им се помогне во санирањето на штетите од поплавите и особено чистењето на каналот. Според нивните кажувања ова е прв пат некој да го чисти овој канал. Наша е механизацијата и логистиката. Лугето од селото бараа помош и ние им излеговме во пресрет – изјави Борче Ѓеоргиевски од СДСМ.
Се очекува до крајот на оваа недела да заврши чистењето и поставувањето на атмосферската канализација.
Извор: Бриф