Компанијата Тинекс вчера организираше донаторска акција за помош на жителите од настраданите подрачја во Скопје.
Тинекс донира пакети со 24.000 литри вода. Донацијата започна да се доставува во основното училиште „25 Мај” во село Сингелиќ, а од таму водата ќе биде пренесена во кризниот штаб во село Стајковци од каде ќе биде адекватно распределена на сите жители од околните подрачја на кои им е неопходна во овие тешки моменти.