Денеска во Основниот суд Скопје 1 треба да продолжи судскиот процес за случајот што го иницираше СЈО, познат како „Тврдина 2“, за уништување документи за набава на опремата за следење на комуникациите.
Специјалното јавно обвинителство добило „дозвола“ од Управата за безбедност и контраразузнавање, чии седум вработени се обвинети во овој предмет, за користење на класифицираните докази во судската постапка. Судот го задолжи СЈО да обезбеди декласификација на доказите, од тој кој ги создал и ги класифицирал, а тоа е самата Управа, чии вработени ги сториле кривичните дела.