Сугаре му брцка во окото на Миле ми текна, прави увид во изградбата на автопатот Демир Капија-Смоквица

0
1533

Министерот за транспорт и врски Горан Сугарески заедно со амбасадорот на Република Франција во Македонија Кристијан Тимоние денеска во Демир Капија остварија средба со претставниците на компанијата ЕЖИС, која е надзорен орган за изградбата на автопатот Демир Капија – Смоквица. На средбата министерот и амбасадорот биле информирани со процесот на изградба на автопатот и преостанатите работи што треба да се дозавршат.

– Контролниот центар треба да биде направен во Неготино со цел да профункционира сигнализацијата која е поврзана со тунелите и автопатот да биде пуштен во употреба до 1 ноември кога е крајниот рок, изјави министерот Сугарески.

Францускиот амбасадор Кристијан Тимоние истакна дека е задоволен од сработеното на автопатот Демир Капија – Смоквица од страна работата на француската компанија „ЕЖИС“ која беше назначена како надзорен орган за проектот за изградба на оваа автопатска делница.

– Особено сум горд што најголемото француско инжењерско претпријатие беше избрано за надзор. ЕЖИС спроведе извонредна работа која веќе е при крај и која најверојатно ќе има силни економски ефекти врз македонската економија затоа што автопатот ќе значи премин и поврзување од Салцбург до Солун, изјави Тимоние, додавајќи дека станува збор и за трансфер на технологија и знаење.