Претседателот на СДСМ, Зоран Заев попладнето се сретна со новиот шеф на Канцеларијата за врски на Република Грција во Република Македонија, Димитрис Јанакакис.
На состанокот се разговараше за очекувањата од изборниот процес во земјава како и за Програмата на СДСМ којашто има за цел добар живот за граѓаните и обнова на демократските процеси во Македонија.
-Приоритет за граѓаните на Македонија е организација на фер избори и регуларни избори на 11 декември. Промените што ќе се случат веќе се чувствуваат и ние сериозно сме посветени, освен на обезбедувањето услови за слободно изразување на слободната волја на граѓаните и на динамиката на решавање на нивните проблеми. Имаме готови планови за мерките што ќе ги преземеме во првите 6 месеци од мандатот и во наредните 2 години, тоа се мерки за кревање на животниот стандард и нови работни места, како и за обнова на довербата во институциите на системот, рече претседателот Заев.
Претседателот Заев нагласи дека СДСМ е цврсто определена да ја гради Македонија како просперитетно општество, во коешто сите граѓани ќе бидат еднакви пред Уставот, законите и правдата.
.gif)
.gif)
