Ако макар и еден од листата на 14-темина заменици-специјални обвинители биде отфрлен и неизгласан од Советот на јавни обвинители на седницата идната недела, кога треба да се случи изборот, специјалната обвинителка Катица Јанева ќе си поднесе оставка, неофицијално дознава “Вест“.
Со неа, велат изворите на весникот, ќе се повлече и целиот тим.
Откако минатата недела Советот на јавни обвинители не ја закажа седницата која се очекуваше за избор на четиринаесетката на Јанева, во јавноста веднаш се протолкува дека владејачките ВМРО-ДПМНЕ и ДУИ сакаат да ја блокираат и да ја развлечат постапката за комплетирање на специјалното обвинителство, а со тоа и стартот на неговата работа и дека преку рокот за избор не успеале тоа да го направат, па сега пробуваат преку членовите на Советот.
СЈО минатата недела се изјасни дека не може да премине веднаш на избор, без да побара и претходно да добие од Јанева општ работен, персонален и финансиски план за работењето на Јавното обвинителство за гонење кривични дела поврзани и кои произлегуваат од содржината на неовластено следење на комуникациите.
Целиот текст ОВДЕ
.gif)
.gif)
