Силен ветер во Сибир: Погледнете како ветерот го “истуркал” авионот од писта

Во сибирскиот град Норилск, ударите на ветерот биле толку силни што буквално го истуркале авионот “Boeing 737” од аеродромската писта. Оваа драматична снимка успеала да ја сними Карина Калинушкина, а ја споделила на својот профил на Фејсбук.
Ова летало во сопственост на “Nordstar Airlines” пред влегувањето на екипажот и патниците тежи 41,5 тони, додека по влегувањето има тежина и до 79 тони. Тоа сепак не било доволно да се спречи ова летало неконтролирано да лизга по пистата при силните удари на ураганскиот ветер.

 

Норилск е сместен на крајниот север на западно-сибирската област Краснојарск. Овие денови временските услови во тој регион се немилосрдни, со удари на ветер од 33 метри во секунда.

Овој аеродром моментално е затворен. Истиот ден дел од кров на зграда во центарот на градот бил откорнат, притоа усмртувајќи 32-годишна жена.